Նոր Լուր
Մուտք
Կարգավորումներ
Դուրս Գալ
armtimes.com
Հեռուստատեսության և ռադիոյի հանձնաժողովի անդամ Հասմիկ Հակոբյանը չի կարծում, որ Ժուռնալիստների միության շենքը պետությանը վերադարձնելը պայմանավորված է միության նախագահ Սաթիկ Սեյրանյանի քաղաքական հայացքներով:
Նրա խոսքով՝ հարցը մի քանի տարի է՝ քննարկվում է, ինչպես նաև Գրողների միության շենքի հետ կապված, որտեղ ընդդիմադիր գործունեություն ծավալողներ չկան:
Վերջինս նկատում է՝ շինությունները ոչ իրավաչափ կարգով են տրվել միություններին, և այստեղ իրավական առումով խնդիր կա: Հակոբյանը կարծում է, որ գույքերը պետք է վերադարձվեն պետությանը, և պետությունը ճիշտ բաշխում կատարի:
Նա համաձայն չէ, որ մեր ժամանակները համեմատում են 37 թվի հետ և պնդում, թե մամուլի հանդեպ բռնաճնշումներ կան:
«Այսօր Հայաստանում մեդիայի կարգավորման տեսակետից մենք ունենք ամենաազատ և ժողովրդավար երկիրը: Չունենք համացանցի, հեռուստատեսային ալիքների, մամուլի բովանդակային վերահսկողություններ: Կարծում եմ՝ մեզ մոտ այս առումով կարգավորումների պակաս կա: Երբ խոսում ենք սրանց մասին, կարծում են, թե ուզում ենք սահմանափակել: Հաճախ տրամաբանության սահմանները հատող ատելության խոսք է տարածվում, և սրա համար խորքային լուծումներ են հարկավոր»,- ասում է նա:
Զրուցակիցը անուղղակի հարցադրում է անում՝ եթե բռնաճնշումներ են, ինչպե՞ս է Ժուռնալիստների միության նախագահը տարածում այն, ինչ ուզում է. «Օրը 5 տաղավար են գնում հարցազրույց տալիս, ասում են՝ բռնաճնշում է ու 37 թիվը»:
Հակոբյանի խոսքով՝ տպավորություն է, որ փորձում են մարդկանց ահաբեկել՝ այդպիսով ազդելով հանրության գիտակցության վրա:
«Մշտապես տեռորի մթնոլորտում են պահում մարդկանց: Հստակ քաղաքականություն են իրականացնում՝ անպայման կիրառելով թուրք բառը: Աշխատում են մեդիագրագիտություն չունեցող հատվածների վրա, իսկ երբ փորձում ես այդ մարդկանց բացատրել, որ սուտ լուրեր են տարածում, ասում են՝ արդարանում եք»,- նշում է նա:
«Հայկական ժամանակ»-ի տաղավարում Հակոբյանը խոսել է նաև «Շողակաթ» հեռուստաընկերության «փակման» և ՀՀ-ում ռուսական հեռուստաալիքների հեռարձակումը դադարեցնելու մասին, որը կարող եք դիտել տեսանյութում:
Test
Test
Test
Test
Test
Test
Test
Test
Test
