Նոր Լուր
Մուտք
Կարգավորումներ
Դուրս Գալ
armtimes.com
«Քաղաքացիական պայմանագիր» խմբակցության պատգամավոր Ալխաս Ղազարյանը կարծում է, որ Վաղարշապատի բնակիչները ճիշտ են գնահատել իրավիճակը՝ իրենց ձայնը տալով Արգիշտի Մեխակյանին:
Վերջինս նկատում է՝ 2018 թվականից հետո ՀՀ քաղաքացիները գիտեն, որ իրենց ձայնը չի կեղծվում, և դա է վկայում այն, որ իշխող ուժը բոլոր ընտրությունների արդյունքները ի գիտություն է ընդունել:
Ղազարյանը այն համոզմանն է, որ այս արդյունքը նաև ազդակ է Գարեգին Բ-ի համար, որ Վաղարշապատի բնակիչները լիովին կիսում են թե՛ խաղաղության օրակարգը, թե՛ «վեհարանը վեհին» վերադարձնելու օրակարգը:
Ըստ իշխող ուժի անդամի՝ Կտրիճ Ներսիսյանը ցուցադրաբար մասնակցեց ընտրություններին՝ փորձելով այդ կերպ ազդել և քաղաքացիներին ուղղորդել, թե ում ընտրել. «Դրա համար էլ թեկնածուներից շուտ էր հայտնվել ընտրատեղամասում»:
Ալխաս Ղազարյանն ասում է՝ վաղարշապատցիները լավ գիտեն Կտրիճ Ներսիսյանին և նրա խմբակին:
«Հոգևորականները ունեն խղճի և մտքի ազատություն, տարիներ շարունակ Կտրիճ Ներսիսյանը թույլ չի տվել այն իրացնել՝ սպառնալով կարգալույծ անել: Եկեղեցու ներսում բռնատիրական կարգեր են»,- նկատում է նա:
Դիտարկմանը՝ որոշ ընդդիմադիր ուժեր և գործիչներ հայտարարում են, թե մասնակցությունը քիչ է եղել, ընտրության չգնացողները դեմ են իշխանությանը, պատգամավորն ասում է. «Այսօր ժողովուրդը լիարժեք իր իշխանությունը իրացնում է, բայց փորձում են անվանարկել ու ասել ժեխ: Ինչպես Վաղարշապատում ժողովուրդը մերժեց նախկին նախագահներին, այնպես էլ խորհրդարանական ընտրությունների դեպքում է լինելու, քանի որ նախկին նախագահները մաշվել գնացել են, ոչնչացել, քաղաքականապես գոյություն չունեն»:
Անդրադառնալով լրագրողների այն պնդումներին, թե ինչ-որ «ցուցակ» կա, և հաջորդը լրագրողների հետ կապված են վարույթներ նախաձեռնվելու, «Քաղաքացիական պայմանագիր» խմբակցության պատգամավորը նկատում է. «Վարույթների և ցուցակի հետ կապված տեղեկություններ չունեմ, սակայն երբ լրագրողը դուրս է գալիս իր մասնագիտության շրջանակից և դառնում քաղաքական աշխուժակ, պետք է սպասի, որ արժանանալու է մեր քաղաքական գնահատականին»:
Առավել մանրամասն՝ «Հայկական ժամանակ»-ի հետ հարցազրույցում:
Test
Test
Test
Test
Test
Test
Test
Test
Test
