Ընտրությունը կատարեցինք աղոթքով, ասելով, որ արդար ընթացք ունենա. Գարեգին Երկրորդ news.am

Ընտրությունը կատարեցինք աղոթքով, ասելով, որ արդար ընթացք ունենա և Վաղարշապատ քաղաքը բարգագավաճի, շենանա և պարգևի այստեղ ապրող մեր ժողովրդին բարօր կյանք, երջանիկ ապագա։ Այս մասին այսօր՝ նոյեմբերի 16–ին, իր քաղաքացիական պարտքը կատարելուց հետո NEWS.am-ի թղթակից հետ զրույցում նշեց Գարեգին Երկրորդ Ամենայն հայոց կաթոողիկոսը։

Նշենք, որ նա ընտրություն կատարել է Վաղարշապատի թիվ 14/11 ընտրական տեղամասում։

Հիշեցնենք, որ այսօր՝ նոյեմբերի 16–ին, Վաղարշապատ խոշորացված համայնքում տեղի են ունենում համամասնական ընտրակարգով ավագանու արտահերթ ընտրություններ:

Ընտրություններին մասնակցում է 8 ուժ՝ 7 կուսակցություն, 1 կուսակցությունների դաշինք:

«Հաղթանակ» կուսակցությունների դաշինք

«Համահայկական ճակատ» կուսակցություն

«Հանրապետություն» կուսակցություն

«Մայր Հայաստան» ազգային-դեմոկրատական կուսակցություն

«Ազատ դեմոկրատներ» կուսակցություն

«Ժառանգություն» կուսակցություն

«ՔՊ» կուսակցություն

«Հայրենիք» կուսակցություն

Ընտրողների ընդհանուր թիվը նոյեմբերի 7-ի դրությամբ 69.866 է։ Ընտրատեղամասերի թիվը 47, որից 23-ը Էջմիածին քաղաքում, մյուսները 18 գյուղերում։