Քայքայեք 4-րդ իշխանությունը մինչև վերջ. ոլորտի կորիֆեյներ, ծպտուն չհանեք, թե չէ Սաթիկանմանները կնախշեն ձեզ armtimes.com

Հայաստանի Հանրապետության վարչապետի աշխատակազմի ղեկավար Արայիկ Հարությունյանը սոցցանցի իր էջում անդրադարձել է OdaTV-ի ֆեյք լուրի՝ հայաստանյան ԶԼՄ-ների կողմից տարածմանը և գրել.

«Եթե ժուռնալիստների միության նախագահը սա է, որը ֆեյք լուր է տարածում է, մեր լրագրության վիճակն էլ սենց թշվառ կլինի: Եթե ձեր հույսը ֆեյքն է, ուրեմն դուք անհույս եք:

Հ.Գ. Էդ ֆեյքը գրել էր, որ կառուցվելու է, մեր ֆեյքը գրել է՝ կառուցվում է: Կանգ մի առեք, քայքայեք չորրորդ իշխանությունը մինչև վերջ:

Ոլորտի կորիֆեյներ, դուք էլ հով նստեք բուխարու առաջ, հանկարծ ծպտուն չհանեք, թե չէ Սաթիկանմանները կնախշեն ձեզ իրենց էջերում: Շառից հեռու մնացեք»:

Գրառմանը կից, Հարությունյանը սքրինշոթ է հրապարակել:

Ավելի վաղ ՀՀ վարչապետի մամուլի քարտուղար Նազեի Բաղդասարյանը տեղեկացրել էր վարչապետին վերաբերող հերթական կեղծ տեղեկատվության մասին՝ նշելով, որ «OdaTV-ի կայքը կրկին շրջանառության մեջ է դրել կեղծ տեղեկատվություն, իսկ մի շարք հայաստանյան ԶԼՄ-ներ՝ առանց նվազագույն ստուգման կամ աղբյուրների ճշգրտման, շտապել են արտատպել այս ֆեյքը՝ անկախ մտադրությունից ակամա դառնալով ապատեղեկատվության շղթայի մասնակից։