Նոր Լուր
Մուտք
Կարգավորումներ
Դուրս Գալ
armtimes.com
«Հայաստանի կառավարության հեղինակած «Խաղաղության խաչմերուկ» նախագիծը մտել է իրագործման փուլ»:
Այս մասին «Խաղաղության խաչմերուկ. զարգացնելով տարածաշրջանային հաղորդակցությունները և համագործակցությունը» խորագրով միջազգային համաժողովի ընթացքում հայտարարել է վարչապետ Նիկոլ Փաշինյանը:
«Այս տարի արդեն մենք կբացենք Հյուսիս-հարավ ճանապարհի Գյումրիից Երևան հատվածը, որը հիմա գործնականում արդեն պատրաստ է, ուղղակի կահավորման աշխատանքներ պետք է արվեն։ Նաև Ագարակ-Քաջարան հատվածն է կառուցվում շատ մեծ տեմպերով: Ներկայում շատ ակտիվ քննարկումներ են ընթանում Սիսիան-Քաջարան հատվածի կառուցման ուղղությամբ, և նաև առանձնահատուկ կարևորություն ունի Բարգուշատի թունելի կառուցման նախագիծը, որի վերաբերյալ քննարկումներում մենք արդեն մտնում ենք եզրափակիչ փուլ»,- նշել է վարչապետը:
Նիկոլ Փաշինյանն այս համատեքստում կարևոր է համարել Ադրբեջանի տարածքով ռուսական և ղազախական ցորենի ներկրումը Հայաստան:
«Հայաստանի անկախությունից ի վեր առաջին անգամ Ադրբեջանի երկաթուղով բեռներ են մտել Հայաստանի Հանրապետություն Ռուսաստանից և Ղազախստանից, իհարկե, առայժմ Ադրբեջան-Վրաստան-Հայաստան երթուղով»,- նշել է Փաշինյանը՝ հավելելով, որ խորհրդային ժամանակներում Հայաստանն Ադրբեջանի հետ ուղիղ երկաթուղային կապ ունեցել է Տավուշի մարզով և Սյունիքի մարզով:
Վարչապետը վերահաստատել է, որ Հայաստանը պատրաստ է իր տարածքով ապահովել բեռնատար մեքենաների տարանցումը Թուրքիայից Ադրբեջան և հակառակ ուղղությամբ՝ Մարգարայով և Կոռնիձորով:
«Այսօր այս ենթակառուցվածքը պատրաստ է: Մնացած բոլոր հատվածներում նույնպես մեր քաղաքական պատրաստակամությունն առկա է, բայց այնտեղ մենք ներդրումներ ունենք անելու»,- ասել է Նիկոլ Փաշինյանը:
Test
Test
Test
Test
Test
Test
Test
Test
Test
