Գեւորգյան ճեմարանի տեսուչը չմեկնաբանեց ԿԳՄՍ նախարարի խոսքը aravot.am

Oրերս ԿԳՄՍ նախարար Ժաննա Անդրեասյանը ԱԺ-ում պատասխանելով իրեն ուղղված հարցերին՝ ի թիվս այլնի անդրադարձել էր նաեւ Գեւորգյան հոգեւոր ճեմարանին: «Գեւորգյան ճեմարանը լիցենզավորված ԲՈՒՀ է։ Այնտեղ պետք է գործեն ԲՈՒՀ-ին վերաբերող բոլոր կանոնները։ Տեսուչի՝ հարթակից ունեցած ելույթը կարող է ընկալվել քաղաքական բովանդակության։ Հարցը քննարկում ենք։ Չեմ կարծում՝ նման գործողությունները որեւէ կերպ պետք է խրախուսվեն կամ աննկատ մնան»,- ասել էր նա։

Aravot.am-ը Գեւորգյան հոգեւոր ճեմարանի տեսուչ հոգեշնորհ Տ. Շահե ծայրագույն վարդապետ Անանյանից մեկնաբանություն խնդրեց նախարարի ասածի վերաբերյալ: «Որեւէ մեկնաբանություն չունեմ»,-ասաց Հայր Սուրբը:

Գոհար ՀԱԿՈԲՅԱՆ

Լուսանկարը՝ Վիքիպեդիայից