Պապիկյանը ԱԺ կգա` բանակի ծառայության ժամկետի կրճատման նախագիծը ներկայացնելու armlur.am

Armlur.am-ը տեղեկացավ, որ նոյեմբերի 24-ին ԱԺ պաշտպանության և անվտանգության հարցերի մշտական հանձնաժողովը նիստ է հրավիրել:

Մենք տեղեկացանք, որ այդ օրը հանձնաժողովին ՀՀ Պաշտպանության նախարար Սուրեն Պապիկյանը ներկայացնելու է «Զինվորական ծառայության և զինծառայողի կարգավիճակի մասին» օրենքուն փոփոխություն կատարելու մասին հարցը:

Սա այն հայտնի նախագիծն է, որով հայրենի իշխանությունները որոշել են զինվորական ծառայությունը 2026 թվականի հունվարի 1-ից 2 տարվա (24 ամիս) փոխարեն «սարքել» 1 ու կես տարի (18 ամիս):

Պապիկյանը նախագիծը ներկայացնելու է հանձնաժողովին, հաստատվելու դեպքում, այն կընդգրկվի ԱԺ լիագումար նիստերին քննարկելու և ընդունելու համար: Իսկ նախագիծն առանց բացառության ընդունվելու է, քանի որ իշխանական ողջ խմբակցությունը կողմ է նախագծին:

Ի դեպ, նշենք, որ օրենքի նախագծով նախատեսվում է պարտադիր զինվորական ծառայության ժամկետը սահմանել 18 ամիս` սկսած 2025 թվականի ձմեռային զորակոչից:

Ըստ իշխանությունների, ՀՀ կառավարության 2021-2026 թ ծրագրով նախատեսվել է պարտադիր զինվորական ծառայության ժամկետի կրճատում` ի հաշիվ պայմանագրային ծառայության աճի:

Նախագծի հարակից զեկուցողը ԱԺ Քպ խմբակցության պատգամավոր, նշված հանձնաժողովի նախագահ Անդրանիկ Քոչարյանն է:

Սոնա Գրիգորյան