Լևոն Տեր–Պետրոսյանը հյուրընկալել է ՀՀ–ում Ֆրանսիայի դեսպանին. զրույցը շուրջ 1 ժամ է տևել
sputnik
ԵՐԵՎԱՆ, 4 նոյեմբերի – Sputnik. ՀՀ առաջին նախագահ Լևոն Տեր–Պետրոսյանն այսօր իր առանձնատանը հյուրընկալել է Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին։ Տեղեկությունը հայտնում է
ՀՀ առաջին նախագահի խոսնակ Արման Մուսինյանը։
«Շուրջ մեկ ժամ տևած զրույցի ընթացքում Տեր–Պետրոսյանը դեսպանի խնդրանքով ներկայացրել է հայ–ֆրանսիական բարեկամական հարաբերությունների խորացման և Հայաստանում ներքաղաքական լարվածության մեղմացման հեռանկարների, ինչպես նաև տարածաշրջանային զարգացումների վերաբերյալ իր տեսակետները»,– նշված է հաղորդագրության մեջ։
Հանդիպմանը ներկա են եղել դեսպանատան առաջին քարտուղար Ժյուլի Ֆորը և ՀՀ առաջին նախագահի գրասենյակի տնօրեն Ավետիս Ավագյանը։