Անօրինական գործընթաց են սկսել. Տեր Եսային՝ Թալինի սբ. Աստվածածին եկեղեցում կատարվողի մասին aravot.am

Հովհաննավանքում ՔՊ-ականների մասնակցությամբ երկրորդ միջոցառումից հետո Նիկոլ Փաշինյանը ֆեյսբուքի իր էջում նշել էր, որ կիրակի էլ Թալինի սբ. Աստվածածին եկեղեցում մասնակցելու է Տեր Թադե Թախմազյանի ձեռամբ մատուցվող պատարագին: Թալինի հոգևոր հովիվ Տեր Թադեի հարցը Մայր աթոռի կարգապահական հարցերի հանձնախմբի օրակարգում է:

Aravot.am-ի տեղեկություններով, այսօր առավոտից՝ առանց Արագածոտնի թեմի հետ քննարկելու, ինչ-որ շինարարություն են սկսել, հանել են եկեղեցու ցանկապատները, իսկ թեմի ներկայացուցիչներին կոպիտ պատասխաններ են տվել: Թալինի Սուրբ Աստվածածին եկեղեցին, ինչպես և Հովհաննավանքը, Մայր աթոռի հաշվեկշռում է:

Aravot.am-ը թեմայի վերաբերյալ մեկնաբանության համար կապվեց Մայր Աթոռի տեղեկատվական համակարգի ղեկավար տեր Եսայի քահանա Արթենյանի հետ: Նա ասաց, որ առանց եկեղեցական համապատասխան մարմինների արտոնության եւ համաձայնության՝ Թալինի համանքապետարանը անօրինական գործընթաց է սկսել:

Գոհար ՀԱԿՈԲՅԱՆ