Վեհափառի եղբորն ու եղբորորդուն կալանավորելու միջնորդություն է ներկայացվել hraparak.am

Քրեական վարույթի նախաքննության ընթացքում 2 անձի նկատմամբ հարուցվել է հանրային քրեական հետապնդում՝ Քրեական օրենագրքի 211-րդ հոդվածով (քարոզչություն կատարելուն կամ քարոզչություն կատարելուց հրաժարվելուն հարկադրելը կամ քարոզչություն կատարելուն այլ կերպ խոչընդոտելը): Վերջիններս ձերբակալվել են: Այս մասին «Հրապարակ»-ին փոխանցում են Քննչական կոմիտեից, նշենք, որ խոսքը Վեհափառի եղբոր եւ վերջինիս տղայի մասին է։ Միջնորդություն է ներկայացվել դատարան` նրանց կալանավորելու։

Հիշեցնենք, որ Վեհափառի եղբայրը՝ Գևորգ Ներսիսյանը և որդին՝ Համբարձում Ներսիսյանը, ձերբակալվել են երեկ՝ Վաղարշապատում «Հանրապետություն» կուսակցության թեկնածու Հարություն Մկրտչյանի հայտարարության հիման վրա, ըստ որի Ներսիսյանը և որդին փորձել են խոչընդոտել նախընտրական քարոզչությունը, ինչը փաստաբան Արա Զոհրաբյանի դիտարկմամբ՝ սուտ մատնություն է։