ՏԵՍԱՆՅՈՒԹ․ «Ձեր ո՞ր արժանիքի համար եք նշանակվել Ոստիկանության գվարդիայի հրամանատար»․ հարց՝ Բաբայանին armlur.am

Հովհաննավանքում կարգալույծ Ստեփան Ասատրյանի մատուցած պատարագն ավարտվեց։ Պատարագն ավարտվելուն պետ ողջ իշխանական էլիտան հեռացավ Հովհաննավանքից։ ArmLur.am-ը զրուցեց Ոստիկանության գվարդիայի հրամանատար Հայկ Բաբայանի հետ։

Նշենք, որ նոյեմբերի 1-ից Հայաստանի Ներքին գործերի նախարարության կազմում սկսել է գործել Ոստիկանության գվարդիա։ ՀՀ ՆԳ նախարար Արփինե Սարգսյանի հրամանով Հայկ Բաբայանը նշանակվել է ՆԳՆ ոստիկանության գվարդիայի հրամանատար։

Հիշեցնենք, որ կարգալույծ քահանան անցած կիրակի՝ հոկտեմբերի 26-ին ևս պատարագ մատուցեց։

Ստեփան Ասատրյանը hոկտեմբերի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Հայրապետական տնօրինությամբ կարգալույծ է եղել։ Կարգալույծ քահանան չի ընդունում այս որոշումը և երկրորդ անգամ ժողովրդին հրավիրել է մասնակցելու Սուրբ Հովհանավանքում իր ձեռամբ մատուցվող Սուրբ Պատարագին և Սուրբ Հաղորդություն ստանալու։

Կարգալույծ քահանային ևս մեկ անգամ իր աջակցությունն է հայտնել Նիկոլ Փաշինյանը և տեղեկացրել, որ ինքը ևս մասնակցելու է կարգալույծ քահանայի ձեռամբ մատուցվող Սուրբ Պատարագին։

ArmLur.am-ն այս պահին Հովհաննավանքում լուսաբանում է իրավիճակը։ Հետևեք մեզ՝ զարգացող իրադարձություններին տեղեկանալու համար։

Նանիկ Աղասյան, Քնար Մանուկյան, Հովսեփ Հովսեփյան

Մանրամասները՝ տեսանյութում․