Նոր Լուր
Մուտք
Կարգավորումներ
Դուրս Գալ
1in.am
Հունաստանի պաշտպանության նախարար Նիկոս Դենդիասն օրերս մասնակցել է Քեմբրիջում կազմակերպված «Հունաստանի և Մեծ Բրիտանիայի հարաբերությունները» խորհրդաժողովին: Այդ մասին հայտնում են թուրքական լրատվամիջոցները:
Իր ելույթում նա առաջարկել է ստեղծել Մեծ Բրիտանիա-Հունաստան-Հնդկաստան «ռազմա-ծովային համագործակցություն»: Դենդիասի գնահատմամբ, դա կամրապնդի Միջերկրականի արևելյան հատվածում բրիտանա-հունական գործակցության ամրապնդմանը, իսկ Հնդկաստանը «կստանա տարածաշրջանում ինստիտուցիոնալ ներկայացվածության հնարավորություն»:
Հունաստանի պաշտպանության նախարարն իր տեսակետն ամրապնդել է նրանով, որ չնայած ՆԱՏՕ-ի անդամ երկրների մայրաքաղաքներում Թուրքիան ճանաչվում է հուսալի գործընկեր, Անկարան, այնուամենայնիվ, ջերմ հարաբերություններ ունի Ռուսաստանի հետ։ Դենդիասը նույնիսկ առաջարկել է դիմել արհեստական բանականության օգնությանը՝ կանխատեսելու համար, թե քսան-երեսուն տարի հետո ինչ է իրենից ներկայացնելու Թուրքիան:
Չափազանց կարևոր է, որ Հունաստանի պաշտպանության նախարարի «քեմբրիջյան դոկտրինին» զուգահեռ իսրայելական մամուլում տեղ է գտել ԶՈՒ ԳՇ վերլուծականից մի քանի եզրակացություն:
Իսրայելցի ռազմական փորձագետները, ըստ այդմ, ահազանգել են, որ Թուրքիան ընդհուպ մոտեցել է ռազմա-տեխնոլոգիական ինքնաբավության սահմանագծին, ինչը հանգեցնելու է տարածաշրջանում ուժերի բոլորովին նոր հարաբերակցության:
Թուրքական աղբյուրներն իրենց հերթին կասկածում են, որ Իսրայելը Միջերկրականի արևելյան հատվածում Հունաստանի և Կիպրոսի հետ ձեւավորում է հակաթուրքական ռազմական դաշինք: Ավելի վաղ Թուրքիան այդ նախագծի հովանավոր էր դիտարկում Ֆրանսիային:
Երևում է, ներկայումս Իսրայելի, Հունաստանի և Կիպրոսի ակնկալիքները վերաուղղորդվում են դեպի Մեծ Բրիտանիա: Միջազգային մամուլում կայուն տեսակետ կա, որ Լոնդոնը «նախապատրաստվում է դեպի Մերձավոր Արևելք վճռական ցատկի»:
Հունաստան-Թուրքիա, Իսրայել-Թուրքիա սկզբունքային «մրցակցության» մասին հրապարակումները նախորդում են Միացյալ Նահանգների Մերձավոր Արևելք այցին, որի ընթացքում նախատեսված է նրա մասնակցությունը Կահիրեում գումարվող խորհրդաժողովին: Հրավիրված են նաև Մեծ Բրիտանիայի վարչապետը, Ֆրանսիայի նախագահը և Գերմանիայի կանցլերը, մոտ մեկ տասնյակ արաբական երկրների առաջնորդներ:
Test
Test
Test
Test
Test
Test
Test
Test
Test
