Իրանը սառեցրել է ԱԷՄԳ-ի հետ կնքված համաձայնագիրը․ Արաղչի tert.am

Իրանը կասեցրել է Ատոմային էներգիայի միջազգային գործակալության (ԱԷՄԳ) հետ Կահիրեի համաձայնագիրը, հայտարարել է Իրանի արտաքին գործերի նախարար Աբբաս Արաղչին պետական ​​հեռուստատեսությանը տված հարցազրույցում։

Նրա խոսքով՝ գործակալության հետ փոխգործակցությունն այժմ իրականացվում է Ազգային անվտանգության բարձրագույն խորհրդի միջոցով։ Չնայած գործակալության հետ Իրանի հարաբերությունները լիովին չեն խզվել, նա հավելել է, որ Կահիրեի համաձայնագիրը ժամանակավորապես հետաձգվել է։

Արաղչին նշել է, որ կողմերը կվերադառնան այս համաձայնագրին, եթե ներկայացվեն «արդար առաջարկներ, որոնք երաշխավորում են իրանական ազգի իրավունքները» և եթե որոշվի գործակալության դերը լուծման հասնելու գործում։

Հիշեցնենք, որ փաստաթուղթը ստորագրվել է 2025 թվականի սեպտեմբերի 9-ին Կահիրեում՝ Իրանի արտաքին գործերի նախարարի և ԱԷՄԳ-ի գլխավոր տնօրեն Ռաֆայել Գրոսիի կողմից, Եգիպտոսի միջնորդությամբ։ Համաձայնագիրը սահմանում էր Իրանի խաղաղ միջուկային ծրագրի վերաբերյալ «երաշխիքային միջոցառումների իրականացման գործնական եղանակները» և ապահովում էր ԱԷՄԳ-ի ստուգումների լիարժեք հասանելիություն, այդ թվում՝ նախկինում հարվածներից վնասված վայրերում։