ՏԵՍԱՆՅՈՒԹ․ Միքայել Սրբազանին մեղադրանք առաջադրած քննիչին պարգևատրել են armlur.am

ArmLur.am-ը տեղեկացավ, որ Հայ առաքելական Սուրբ եկեղեցու Շիրակի թեմի առաջնորդ Միքայել արքեպիսկոպոս Աջապահյանին իր արտահայտած կարծիքի համար մեղադրանք առաջադրած և 2 տարով բանտարկության ուղարկած քննիչ Վաչե Մխիթարյանը երեկ՝ քննիչների օրը, պարգևատրվել է:

Վաչե Մխիթարյանը հատկապես կարևոր գործերի քննության գլխավոր վարչության ընդհանուր բնույթի և ընտրական հանցագործությունների քննության վարչության հատկապես կարևոր գործերով քննիչ, արդարադատության երկրորդ դասի խորհրդական է:

Հիշեցնենք, որ Քննչական կոմիտեի 11-ամյակի և Քննչական կոմիտեի ծառայողի օրվա կապակցությամբ երեկ տեղի էր ունեցել Կոլեգիայի հանդիսավոր նիստ, որին մասնակցել են ՀՀ վարչապետ Նիկոլ Փաշինյանը, ՀՀ քննչական կոմիտեի նախագահ Արթուր Պողոսյանը ՀՀ քննչական կոմիտեի նախագահի հրամաններով Կոմիտեի մի շարք ծառայողներ պարգևատրվել են կրծքանշաններով, մեդալներով, հուշանվեր ժամացույցով, շնորհվել է շնորհակալագրեր, տվյալ պաշտոնի համար նախատեսված և արտահերթ դասային աստիճաններ։

Քնար Մանուկյան

Մանրամասները՝ տեսանյութում․