Որ ճանաչենք Աջապահյան սրբազանին hraparak.am

Հոկտեմբերի 3֊ին, երկու տարի ազատազրկման վճռից հետո, իջա ԱԱԾ։ Սրբազանը եկավ։

Ասում եմ՝ երկու տարին ի՞նչ է, սրբազան, 12 տարեկանից, արդեն 50 տարի եկեղեցում ես, ավելի խիստ մեկուսացման մեջ, սա քեզ համար ի՞նչ է որ։ Հա, ասում է, այստեղ շատ ավելի ազատ եմ, հանգիստ։ Էնտեղ առավոտ արթնանում, մտածում էի՝ էս պիտի անեմ, էն պիտի անեմ, հասցրեցի֊չհասցրեցի, ի՞նչը կիսատ մնաց, դեռ ինչքան բան ունեմ անելու, դեռ ինչքան պարտք ունեմ տալու։

Այստեղ զարթնում եմ՝ ազատություն, միակ գործս կարդալն է։

Գուցե նաև ինձնով զբաղվեմ, ինչը երբեք չեմ արել։ Քսան տարի ասում են՝ գնա վիրահատվիր, վտանգավոր է, բայց միշտ ափսոսացել եմ էն ժամանակը, որ ժողովրդին, եկեղեցուն, երկրիս ծառայելու փոխարեն իմ առողջության վրա պիտի ծախսեմ։ Մի կյանք է, ծառայությունն' անվերջանալի։ Հիմա ժամանակ ունեմ, գուցեև առողջությանս հետևեմ։ Դեռ էնքաաա՜ն բան կա անելու։