Նոր Լուր
Մուտք
Կարգավորումներ
Դուրս Գալ
hraparak.am
Թբիլիսիում նորից անհանգիստ է: Հոկտեմբերի չորսից վրացական ընդդիմությունը անհնազանդության ակցիաներ է ձեռնարկել, կան երկու տասնյակ վիրավորներ՝ մեծ մասը ոստիկաններ, մեկի վիճակը ծանր է:
«Այդ չորս կուսակցությունները կամ խմբերը, որոնք անցյալ տարվա ընտրություններին հաղթահարեցին անցողիկ շեմը ու հետո բոյկոտ հայտարարեցին եւ չմտան խորհրդարան, ես գիտեմ նրանց ղեկավարներին, թե ովքեր են ֆինանսավորում նրանց՝ ես նրանց երբեք չեմ անվանում ընդդիմություն», անդրադառնալով Վրաստանի ընդդիմությանը «Հրապարակի» հետ զրույցում ասաց Վրաստանի նախագահի նախկին խորհրդական, քաղաքագետ Պետրե Մամրաձեն:
Մամրաձեն հիշեցնում է, որ այս միլիոնատեր ընդդիմադիրները՝ «Վրացական երեազանքի» իշխանության գալուց հետո իրենց կարողություններից չեն զրկվել, ինչպես դա եղավ օրինակ Միխեիլ Սաակաշվիլու ավտոկրատիկ իշխանության հատկապես վերջին տարիներին՝ մոտ 300 հազար մարդ Վրաստանում ունեզրկվեցին, ու նրանցից շատերն ամբողջությամբ կորցրին իրենց ունեցվածքը, բիզնեսները, կապիտալն ու ամեն ինչ տվեցին պետությանը՝ բանտերում կտտանքների ենթարկվելու հեռանկարից ազատվելու համար, պատմում է Մամրաձեն:
Մամրաձեն հիշեցնում է, որ ամերիկացի կոնգրեսմեն Ջո Ուիլսոնը պարբերաբար հայտարարում էր, որ Վրաստանը ղեկավարվում է Չինաստանի կոմիունիստական կուսակցության կողմից՝ Այաթոլայյի հետ համատեղ:
Ինչ վերաբերում է Սաակաշվիլու կուսակցության գործունեությունը Վրաստանում արգելելու Վրաստանի իշխանությունների ձեռնարկին, ապա Մամրաձեն կարծում է, որ ամենասկզբից էր պետք այդ քայլն անել, բայց քանի որ «Վրացական երազանքը» այդ առումով ոչ մի քայլ չարեց, որովհետև նախ հավաքական Արևմուտքից հրահանգ էր եկել Սաակաշվիլու կուսակցությանը «մատով անգամ չդիպչել», բացի այդ՝ այն ժամանակ «Վրացական երազանքի» կազմում կային ոչ միանշանակ անձինք, ովքեր հայտարարում էին, որ ոչ միայն պետք ճէ չխանգարել Սաակաշվիլուն, այլև ամեն կերպ քաղաքական ասպարեզում պահել Սաակաշվիլու կուսակցությունը: Հետևաբար պետք է նաև արգելել այն մյուս վեց կուսակցությունների գործունեությունը Վրաստանում, որտեղ Սաակաշվիլու նացիստական գաղափարակիրներն են անդամագրվել՝ նկատում է վրացի քաղաքագետը:
«Այնինչ այդ մարդիկ հանցագործներ են, գրվել է այն մասին, թե ինչ էր կատարվում վրաստանում, երբ մասսայական կտտանքներ էին գործադրվում, դա բոլորին հայտնի է: Իսկ հիմա այդ մարդիկ որոշել են զավթել իշխանությունը, ու հայտարարել են, որ Թբիլիսին պետք է լինի կրակի մեջ»,-ասաց քաղաքագետը:
Test
Test
Test
Test
Test
Test
Test
Test
Test
