Թբիլիսիի գործող քաղաքապետը ՏԻՄ ընտրություններում պաշտոնական տվյալներով առաջատարն է, երկրորդ տեղում Իրակլի Կուպրաձեն է tert.am

Վրաստանի Կենտրոնական ընտրական հանձնաժողովի կայքում տեղադրված տեղեկատվության համաձայն՝ 584 ընտրատեղամասերից 581-ի տվյալների հաշվարկից հետո առաջին փուլում հաղթել է Թբիլիսիի գործող քաղաքապետ Կախա Կալաձեն։ Այս մասին հայտնում է Sputnik Грузия-ն։

Կենտրոնական ընտրական հանձնաժողովի տվյալներով՝ իշխող «Վրացական երազանք» կուսակցության կողմից Թբիլիսիի քաղաքապետի պաշտոնում առաջադրված Կալաձեն ստացել է 214,575 ձայն՝ հաղթելով ընտրություններում 71.588%-ով։

Նրա գլխավոր մրցակիցը՝ «Ուժեղ Վրաստան - Լելո» կուսակցությունից Իրակլի Կուպրաձեն, ստացել է 37,257 ձայն՝ 12.43%-ով զբաղեցնելով երկրորդ տեղը։

Շաբաթ օրը 64 քաղաքների և շրջանների ընտրողները ընտրեցին քաղաքապետերի և տեղական խորհրդատվական մարմինների (սակրեբուլոների) անդամների։