ՏԵՍԱՆՅՈՒԹ․ Նախարար Ավանեսյանը` շտապօգնության հարբած վարորդի վթարի մասին armlur.am

Օգոստոսի 28-ին ավտովթար էր տեղի ունեցել Կոտայքի մարզում։ Ժամը 21։10-ի սահմանենրում Հրազդան քաղաքի Զորավար Անդրանիկի փողոցում բախվել էին հիվանդ տեղափոխող շտապօգնության մեքենան եւ «Toyota Alphard» մակնիշի ավտոմեքենան։ Վթարի հետևանքով 3 հոգի մարմնական վնասվածքներով տեղափոխվել են «Հրազդան» բժշկական կենտրոն։ Հրազդանում վթարի ենթարկված շտապօգնության մեքենայի վարորդը ոչ սթափ վիճակում է վարել մեքենան։ Armlur.am-ի տեղեկություններով՝ վարորդին ձերբակալել էին։

Ապրիլի 8-ին վաղ առավոտյան ցավալի դեպք էր տեղի ունեցել Երևանում։ Իրենց մասնագիտական պարտքը կատարելիս վթարի է ենթարկվել շտապօգնության բրիգադը։ Վթարի հետևանքով մահացավ շտապօգնության բժիշկը։ Լուրեր էին շրջանառվում, թե շտապօգնության վարորդին փոխարինող չէր եղել եւ նա 24 ժամ անընդմեջ ղեկին էր եղել, ինչի հետեւանքով էլ տեղի էր ունեցել ողբերգական վթարը։

ArmLur.am-ը առողջապահության նախարարից հետաքրքրվեց շտապօգնության վարորդի հարբած լինելու և առհասարակ ողբերգական վթարների դեպքերով, շտապօգնության՝ մարդկանց կյանքը փրկելու փոխարեն նրանց կյանքը վտանգելու մասին, ինչպես նաև հարցինք՝ ինչ հետևություններ է արել։