Նոր Լուր
Մուտք
Կարգավորումներ
Դուրս Գալ
aravot.am
Ինչպես արդեն տեղեկացրել ենք, Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանի լիագումար նիստի ընթացքում ՀՀ վարչապետ Նիկոլ Փաշինյանը ելույթով հանդես եկավ, որին հաջորդեց պատվիրակների հետ հարցուպատասխանը։
Ըստ ԵԽԽՎ կայքի՝ նրան հարց տալու համար գրանցվել էր 14 պատվիրակ։
Հարց տալու համար գրանցվածների շարքում թուրք և ադրբեջանցի պատվիրակներ չկային։ Թուրքերը չէին գրանցվել, ադրբեջանական պատվիրակությունն էլ չի մասնակցում նստաշրջանին, քանի որ նրանց լիազորությունները դադարեցված են։
Հարց տալու համար գրանցվել էին Իտալիայի, Ուկրաինայի, Հունգարիայի, Ֆրանսիայի, Կիպրոսի և այլ երկրների 14 պատվիրակներ։ Նրանց թվում էր նաև ԵԽԽՎ-ում հայկական պատվիրակության անդամ Հայկ Մամիջանյանը։
Սակայն Նիկոլ Փաշինյանի հետ հարցուպատասխանը սահմանափակվեց միայն քաղաքական խմբերի խոսնակների հարցերին պատասխանելով։ ԵԽԽՎ նախագահն ասաց, որ նախատեսված ժամանակն արդեն լրացել է։
Այս առիթով Հայկ Մամիջանյանը գրառում է կատարել․ «Քննարկումներ ԵԽԽՎ պատգամավորների շարքերում. «Ինչու է այս մարդը (Նիկոլ Փաշինյան) ամեն հարցին պատասխանելիս ևս մեկ ելույթ ունենում, ինչո՞ւ չկա ժամանակային սահմանափակում»:
Հ․Գ․ Բա, որ մեր ԱԺ-ում իրեն լսեն:
Հ․Գ․ 2․ Սպասում եմ «հարց» տալու՝ իմ հերթին: Հավելում․.. որը չհասավ»։
Տաթև ՀԱՐՈՒԹՅՈՒՆՅԱՆ
Test
Test
Test
Test
Test
Test
Test
Test
Test
