Ալեն Սիմոնյանը խաղային ոլորտի շահե՞րն է պաշտպանում․ Հայկ Սարգսյանի ակնարկը aravot.am

Իմ նկատմամբ կարգապահական վարույթ սկսելու համար Ալեն Սիմոնյանը դիմել է ՔՊ վարչությանը 2025 թվականի մարտի 4-ին, երբ ԱԺ-ում քննարկվում էր իր կողմից շրջանառված նախագծերի փաթեթը, որով նախատեսվում էր երկու անգամ բարձրացնել խաղային ոլորտի հարկերը․ այսօր խորհրդարանում լրագրողների հետ ճեպազրույցում հայտարարեց «Քաղաքացիական պայմանագիր» խմբակցության պատգամավոր Հայկ Սարգսյանը։ Նա հավելեց՝ «Բարեբախտաբար, վարույթը չխանգարեց եւ օրենքն ընդունվեց» եւ բացատրեց, որ ինքն ուղիղ կապ է տեսել Ալեն Սիմոնյանի կողմից՝ իր նկատմամբ կարգապահական վարույթ հարուցելու դիմումի եւ իր շրջանառած նախագծերի հետ։

Հետո ինքն էլ է դիմել Ալեն Սիմոնյանի դեմ կարգապահական վարույթ հարուցելու համար, հարցը միայն սեպտեմբերին է քննարկվել։ Կուսակցության պաշտոնական հայտարարության մեջ ասվում էր, որ Հայկ Սարգսյանը երկու անգամ չի ներկայացել իր դիմումի քննարկմանը։ Հայկ Սարգսյանը պնդում է՝ իրեն ոչ ոք քննարկման չի հրավիրել։ Խնդրել է կուսակցական ընկերներին հաղորդագրության այդ հատվածը խմբագրել, որպեսզի տպավորություն չստացվի, թե Հայկ Սարգսյանը դիմել է ու չի մասնակցել իր դիմումի քննարկմանը։

Խմբագրվել է, թե ոչ՝ ինքը չգիտի։

Թեմայի վերաբերյալ այլ հարցերի նպատակահարմար չհամարեց պատասխանել։

Մանրամասները՝ տեսանյութում

Ամբողջական տեսանյութը՝ այստեղ

Նելլի ԳՐԻԳՈՐՅԱՆ