Իրանը հետ է կանչել դեսպաններին Գերմանիայից, Ֆրանսիայից և Մեծ Բրիտանիայից․ Mehr lurer.com

Իրանը խորհրդակցությունների համար հետ է կանչել Գերմանիայում, Ֆրանսիայում և Մեծ Բրիտանիայում իր դեսպաններին՝ ՄԱԿ-ի պատժամիջոցների պլանավորված վերականգնման պատճառով: Այս մասին հայտնել է երկրի Mehr News Agency-ն։

«Ի պատասխան վեճերի կարգավորման մեխանիզմի ակտիվացմանն ուղղված եվրոպական երեք երկրների գործողությունների և ՄԱԿ-ի պատժամիջոցները վերականգնելու փորձերի՝ Իրանը հետ է կանչել Գերմանիայում, Ֆրանսիայում և Մեծ Բրիտանիայում իր դեսպաններին Թեհրան», – ասված է հաղորդագրության մեջ:

Այս քայլն արվել է այն բանից հետո, երբ Ռուսաստանն ու Չինաստանը փորձել են հետաձգել Իրանի դեմ միջազգային պատժամիջոցների վերսկսումը, սակայն ձախողվել են ՄԱԿ-ի Անվտանգության խորհրդում: