Նոր Լուր
Մուտք
Կարգավորումներ
Դուրս Գալ
aravot.am
ՀՀ ԱԺ պաշտպանության եւ անվտանգության հարցերի մշտական հանձնաժողովը սեպտեմբերի 26-ի նիստում քննարկեց Պետական սահմանի մասին օրենքում լրացում կատարելու մասին օրենքի նախագիծը, հիմնական զեկուցողն էր՝ Արդարատատության փոխնախարար Տիգրան Դադունցը:
«Նախագծի նպատակը Սահմանային էլեկտրոնային կառավարման տեղեկատվական համակարգի (ՍԷԿՏ) վերաբերյալ հիմնական կարգավորումների սահմանումն է օրենքի մակարդակով: Ներկայումս ՍԷԿՏ համակարգի հետ կապված հարաբերությունները կարգավորվում են կառավարության որոշմամբ: Այսինքն, համակարգի էությունը եւ դրա հետ կապված սկզբունքային կարգավորումներն օրենքի մակարդակում ամրագրված չեն, ինչը եւ առաջարկում ենք իրականացնել:
Նաեւ օրենքով հստակ սահմանվելու է, թե համակարգում ինչ տվյալների համախումբ պետք է ներառվի եւ արտացոլվի, համակարգին հասանելիություն ունենալու չափանիշները, տվյալներ մուտքագրելու ընդհանուր պայմանները:
Հստակեցվում են համակարգի լիազորված մարմնի գործառույթները՝ նախագծի ընդունման, արդեն դրա ուժի մեջ մտնելուց հետո, 6-ամսյա ժամկետում նախատեսվում է կառավարության համապատասխան նոր որոշման ընդունումը »,- ասաց Տիգրան Դադունցը: Նա հավելեց, որ նախագծի վերաբերյալ Կառավարության եւ ԱԺ պատգամավորների կողմից առաջարկներ չեն ներկայացվել:
Հանձնաժողովը այս նախագծին եւս հավանության արժանացրեց, հետեւաբար այն կընդգրկվի ԱԺ լիագումար նիստի օրակարգում:
Գոհար ՀԱԿՈԲՅԱՆ
Test
Test
Test
Test
Test
Test
Test
Test
Test
