Նոր Լուր
Մուտք
Կարգավորումներ
Դուրս Գալ
aravot.am
ՀՀ պաշտպանության փոխնախարար Արման Սարգսյանը ներկայացրեց փոփոխությունները
ՀՀ ԱԺ պաշտպանության եւ անվտանգության հարցերի մշտական հանձնաժողովը սեպտեմբերի 26-ի նիստում քննարկեց ՀՀ քրեական օրենսգրքում փոփոխություն կատարելու մասին եւ Ռազմական ոստիկանության մասին օրենքում լրացումներ եւ փոփոխություններ կատարելու մասին օրենքների նախագծերը: Հիմնական զեկուցողը ՀՀ պաշտպանության փոխնախարար Արման Սարգսյանն էր:
«Ըստ փոփոխությունների՝ վարժական հավաքներից խուսափելու համար առաջարկվում է քրեական պատասխանատվություն սահմանող Քրեական օրենսգրքի 462-րդ հոդվածում հստակեցնել խուսափման դրսեւորման ձեւերը եւ խստացնել մի շարք ոչ իրավաչափ հանգամանքներիի զուգորդմամբ՝ վարժական հավաքներից խուսափելու պատասխանատվությունը:
Ռազմական ոստիկանության իրավասություններում հստակեցվում է ռազմական ոստիկանության գործունեությունը ոչ միայն հանցագործությունները կանխելիս եւ խափանելիս, այլեւ հայտնաբերելիս եւ բացահայտելիս: Ռազմական ոստիկանությանն իրավասություն է ապահովում աջակցել զինվորական կոմիսարիատներին՝ քաղաքացիների զինվորական հաշվառման, պարտադիր կամ զորահավաքային զորակոչի, պահեստազորային պատրաստության միջոցառումների կազմակերպման գործընթացում:
Ռազմական ոստիկանությունը լիազորվում է ապահովելու քրեական վարույթն իրականացնող մարմինների գրավոր պահանջի հիման վրա վարույթի շրջանակներում ձերբակալված կամ կալանավորված զինծառայողների տեղափոխումը եւ ուղեկցումը նշված վայրեր՝ անհրաժեշտ քննչական եւ դատավարական գործընթացներին մասնակցելու համար»,-ասաց Արման Սարգսյանը:
Հիմնական զեկուցողին հարցեր չեղան: Հանձնաժողովը կողմ քվեարկեց ՀՀ քրեական օրենսգրքում փոփոխություն կատարելու մասին օրինագիծը դրական եզրակացություն ստանալու պարագայում լիագումար նիստ ներառելու հարցին:
Գոհար ՀԱԿՈԲՅԱՆ
Լուսանկարը՝ արխիվային
Test
Test
Test
Test
Test
Test
Test
Test
Test
