Նոր Լուր
Մուտք
Կարգավորումներ
Դուրս Գալ
a1plus.am
«Այս պատերազմներից որոշները տևել են տասնամյակներ․ մեկը՝ 36 տարի, մյուսը՝ 31 տարի, երրորդը՝ 28։ Այդ պատերազմները ավարտված են հետևյալ երկրների միջև՝ Կամբոջա և Թաիլանդ, Կոսովո և Սերբիա, Կոնգո և Ռուանդա, Պակիստան և Հնդկաստան, Իսրայել և Իրան, Եգիպտոս և Եթովպիա, Հայաստան և Ադրբեջան», — նշել է Թրամփը։
ԱՄՆ նախագահը հավելել է, որ որևէ այլ երկրի ղեկավար կամ պետություն նման մակարդակի չի հասել հակամարտությունների կանխման գործում․ «Ոչ մի նախագահ, վարչապետ կամ այլ երկիր նույնիսկ մոտ չէին նման արդյունքին։ Ես դա արեցի ընդամենը յոթ ամսում։ Նախկինում նման բան չի եղել։ Երբեք չի եղել։ Ես շատ հպարտ եմ դրանով», — ասել է Թրամփը։
Նախագահի խոսքով՝ այս քայլերը դրական ազդեցություն են ունենում գլոբալ անվտանգության և միջազգային հարաբերությունների վրա։ Դոնալդ Թրամփը նաև ներկայացրել է մի շարք առանցքային թեզեր։
Նրա կարծիքով՝ Բայդենի վարչակազմի օրոք ԱՄՆ-ը ծաղրի առարկա էր դարձել միջազգային հանրության համար, մինչդեռ այժմ երկիրը կրկին վայելում է հարգանք։
Թրամփը ընդգծել է ՄԱԿ-ի հսկայական ներուժը, սակայն հավելել է, որ կազմակերպությունը «նույնիսկ մոտ չի իրացնում այն», այդ թվում՝ հակամարտությունների կարգավորման հարցում։
ԱՄՆ նախագահը, անդրադառնալով ՄԱԿ-ի կողմից իր խաղաղարարական ջանքերին ցուցաբերված «աջակցության բացակայությանը», կասկածի տակ է դրել կազմակերպության նշանակման արդյունավետությունը։
Նրա խոսքով՝ ԱՄՆ-ը կտրականապես դեմ է, որ Իրանը ունենա միջուկային զենք։
Թրամփը հավելել է, որ Եվրոպան չի կարող միաժամանակ պայքարել Ռուսաստանի դեմ և նրանից գնել էներգակիրներ։ Դա, ըստ նրա, «խայտառակ է»։ «Բոլորը կարծում էին, որ Ռուսաստանը երեք օրում կհաղթի այս պատերազմում, բայց դա տեղի չունեցավ», — նշել է նա։
Նախագահը շեշտել է ԱՄՆ-ի դերի ուժեղացման անհրաժեշտությունը համաշխարհային քաղաքականությունում և միջազգային անվտանգության ապահովման գործում։
Test
Test
Test
Test
Test
Test
Test
Test
Test
