ՀՀ-ն իր պատմության բոլորովին ուրիշ շրջափուլ է թևակոխել. Հայաստան-Ադրբեջան խաղաղություն է հաստատվել. վարչապետ armtimes.com

Հայաստանի Հանրապետությունը իր պատմության բոլորովին ուրիշ շրջափուլ է թևակոխել այն փաստի բերումով, որ Հայաստանի և Ադրբեջանի միջև խաղաղություն է հաստատվել։ Օգոստոսի 8-ը երկար գործընթացի գագաթնակետն է։

Այս մասին «Քաղաքացիական պայմանագիր» կուսակցության 7-րդ համաժողովում ելույթի իր խոսքում ասել է վարչապետ Նիկոլ Փաշինյանը

Ըստ վարչաետի, արդեն 1 տարի 7 ամիս է Հայաստան-Ադրբեջան սահմանային հրաձգությունից զինծառայող չի զոհվել ու չի վիրավորվել:

«Անկախությունից ի վեր մենք նման 1 տարի 7 ամիս չենք ունեցել, որ սահմանային հրաձգությունից զինվոր չզոհվի, կամ չվիրավորվի։ Սա խաղաղություն է, կամ սա է խաղաղությունը, և մեր քաղաքական խնդիրը շատ պարզ է, այնպես անել, որ այս 1 տարի 7 ամիսը դառնա 2 տարի 7 ամիս, 3 տարի 7 ամիս, 5 տարի 7 ամիս , 50 տարի 7 ամիս, և այսպես շարունակ ու վերաբերի ՀՀ-ի բոլոր սահմաններին»։