Թրամփը կրկին շփոթել է Հայաստանն Ալբանիայի հետ panarmenian.net

PanARMENIAN.Net - ԱՄՆ նախագահ Դոնալդ Թրամփը Fox News-ին տված հարցազրույցում կրկին շփոթել է Հայաստանը Ալբանիայի հետ։

«Ես վերջ եմ դրել անլուծելի համարվող պատերազմներին։ Ադրբեջան և Ալբանիա։ Դա շարունակվում էր երկար, երկար տարիներ», – ասել է Թրամփը:

ԱՄՆ նախագահը նման սխալ էր թույլ տվել նաև օգոստոսին՝ ամերիկացի լրագրող Մարկ Լևինին տված հարցազրույցում։

Օգոստոսի 8–ին Սպիտակ տանը կայացած ՀՀ վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի եռակողմ հանդիպմանը ստորագրվել է համատեղ Հռչակագիր` Վաշինգտոնում տեղի ունեցած հանդիպման արդյունքների մասին:

Վաշինգտոնում Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։