Նոր Լուր
Մուտք
Կարգավորումներ
Դուրս Գալ
panarmenian.net
PanARMENIAN.Net - Թուրքիայի արտաքին գործերի նախարար Հաքան Ֆիդանը, ելույթ ունենալով Հռոմի Միջազգային հարաբերությունների ինստիտուտում, հայտարարել է, որ Թուրքիան ակնկալել է, որ 2026 թվականի առաջին կեսին Հայաստանը և Ադրբեջանը կստորագրեն խաղաղության պայմանագիր։
Թուրքիայի ԱԳ նախարարը երախտագիտություն է հայտնել Ադրբեջանի նախագահ Իլհամ Ալիևին և ԱՄՆ նախագահ Դոնալդ Թրամփին՝ Վաշինգտոնում խաղաղության համաձայնագրի նախաստորագրման գործընթացին աջակցելու համար։
Նա հավելել է նաև, որ կարևորում է Հայաստանի վարչապետ Նիկոլ Փաշինյանի կողմից ձեռնարկված պատմական քայլերը՝ միտված խաղաղության հաստատմանն ու Ադրբեջանի հետ հարաբերությունների կարգավորմանը, հատկապես Ղարաբաղում տեղի ունեցած զարգացումներից հետո։
«Երբ Հայաստան-Ադրբեջան համաձայնագրի վրա վերջնական ստորագրություններ դրվեն, մենք արագ կկարգավորենք Հայաստանի հետ հարաբերությունները»,- հայտարարել է Ֆիդանը։
Սեպտեմբերի 12–ին Երևանում էր Հայաստան-Թուրքիա կարգավորման գործընթացում Թուրքիայի հատուկ ներկայացուցիչ Սերդար Քըլըչը։ Նա հանդիպել է հայ բանագնաց Ռուբեն Ռուբինյանի և ԱԳ նախարար Արարատ Միրզոյանի հետ։
Հատուկ ներկայացուցիչները վերահաստատել են նախորդ հանդիպումների ժամանակ մշակված և համաձայնեցված հարցերը՝ Հայաստանի և Թուրքիայի հարաբերությունների լիարժեք կարգավորման գործընթացի առաջմղման նպատակով: Այս համատեքստում նրանք մտքեր են փոխանակել 2022 թ. հուլիսի 1-ի հանդիպման ընթացքում սահմանահատումների վերաբերյալ ձեռք բերված համաձայնության կյանքի կոչման շուրջ։ Հատուկ ներկայացուցիչները համաձայնել են արագացնել այս գործընթացը:
Test
Test
Test
Test
Test
Test
Test
Test
Test
