Նոր Լուր
Մուտք
Կարգավորումներ
Դուրս Գալ
armtimes.com
Ազգային ժողովի «Քաղաքացիական պայմանագիր» խմբակցության պատգամավոր Լիլիթ Մինասյանի խոսքով՝ ամեն անգամ, երբ ընդդիմությունը կեղծ թեզեր է առաջ քաշում, ի հայտ են գալիս փաստաթղթեր, և նրանց սնանկ պնդումները ջախջախվում են:
Վերջինս համոզված է՝ ՀՀ-ն ստացել է փաստաթուղթ, որը ամբողջությամբ բխում է ճանապարհները ապաշրջափակելու հայկական շահերից:
«Մենք հստակ գիտենք՝ ուր ենք գնում՝ երբեմն մեր արժանապատվությունը մի կողմ դնելով, որովհետև խաղասեղանին դրված է ժողովրդի ապագան»,- շեշտում է Մինասյանը:
Դիտարկմանը, որ համացանցում ինչ-որ հարցումներ են անցկացվում, թե արդյոք Ղարաբաղի տեղահանված բնակչությունը պատրա՞ստ է ռուսական անձնագրերով գնալ և ապրել Ղարաբաղում, պատգամավորն ասում է. «Ողբամ ընդդիմության վրա, որ դեռ հույսը դնում է ռուսական անձնագրերի վրա»:
Ըստ Մինասյանի՝ ոչ մի ղարաբաղցի պատրաստ չէ ապրել ադրբեջանական իշխանության ներքո:
«Ընկել էինք դռնեդուռ, որ Լաչինը բացենք, չեղավ, ինչպե՞ս են հիմա անելու: Ինչքան կարելի է ստոր լինել, հույս ներշնչել, որը մոտ ապագայում տեսանելի չէ»,- ասում է նա՝ արձագանքելով ընդդիմադիրների այն հայտարարություններին, թե Ղարաբաղ վերադարձի հնարավորություն կա:
Խոսելով Թուրքիայի հետ հարաբերությունների կարգավորման և առաջիկայում ՀՀ-ում սպասվող երկու երկրների բանագնացների հանդիպման մասին՝ իշխող ուժի անդամն ասում է. «Ինչպե՞ս պետք է զարգանանք, եթե ոչ Թուրքիայի հետ սահմանը բացելով: Եթե բաց սահմանը վատ բան է ՀՀ-ի համար, ինչո՞ւ է Թուրքիան փակել: Թուրք բառը ընդդիմության մոտ հոգեխանգարմունք է առաջացնում»:
Մինասյանն ասում է՝ ՀՀ-ի բալանսավորման քաղաքականությունը տալիս է իր արդյունքները:
Առավել մանրամասն՝ «Հայկական ժամանակ»-ի հետ հարցազրույցում:
Test
Test
Test
Test
Test
Test
Test
Test
Test
