Նոր Լուր
region Հայաստան more
hamburger
Kizaket.am

Ավտոմեքենայի պայթյունի դեպքում ԱՊՊԱ–ն ում և ինչքան փոխհատուցում կտա sputnik sputnik

time
Ավտոմեքենայի պայթյունի դեպքում ԱՊՊԱ–ն ում և ինչքան փոխհատուցում կտա
ԵՐԵՎԱՆ, 2 սեպտեմբերի – Sputnik․ Եթե ավտոմեքենայում տեղի է ունեցել գազաբալոնի պայթյուն, ապա ԱՊՊԱ պայմանագրով տվյալ ավտոմեքենայի սեփականատերը կամ վարորդը չեն կարող ստանալ ապահովագրական հատուցում։ Sputnik Արմենիայի հետ զրույցում ասաց Հայաստանի Ավտոապահովագրողների բյուրոյի իրավաբանական ծառայության ղեկավար Մերուժան Սարոյանը։
Ավելի վաղ հայտնել էինք, որ այսօր 14։40-ի սահմաններում Երևանի Ամիրյան փողոցում ավտոմեքենայում պայթյուն է տեղի ունեցել, որի հետևանքով վնասվել են նաև հարակից ավտոմեքենաներ, 3 քաղաքացի հոսպիտալացվել է։

«Այն մեքենան, որի օգտագործման արդյունքում տեղի է ունեցել պատահարը, այսինքն՝ պայթյունը, այդ մեքենայի տուժողը կամ սեփականատերը ԱՊՊԱ օրենսդրության շրջանակներում հատուցում ստանալու իրավունք չունի, որովհետև տվյալ տրանսպորտային միջոցի սեփականատերը, կնքելով ԱՊՊԱ պայմանագիր, ապահովագրել է իր կողմից երրորդ անձանց պատճառված վնասի ռիկսը։ Այսինքն՝ ԱՊՊԱ ոլորտում ինքը հատուցում ստանալու իրավունքից չի կարող օգտվել, իսկ եթե ունի կամավոր սկզբունքով կնքած այլ պայմանագրեր ապահովագրական ընկերությունների հետ, արդեն կարող է օգտվել այդ պայմանագրերով սահմանված հատուցման իրավունքից»,- նշեց Սարոյանը։

Ինչ վերաբերում է տվյալ ավտոմեքենայում տեղի ունեցած պայթյունի հետևանքով այլ մեքենաներին պատճառված վնասին, ապա ապահովագրական հատուցում կլինի, եթե նախաքննական մարմնի կողմից հիմնավորվի, որ պայթյունը տեղի է ունեցել բացառապես տրանսպորտային միջոցի օգտագործման ընթացքում՝ ներքին անսարքությունների պատճառով (օրինակ՝ պայթուցիկ սարքեր տեղադրված չեն եղել, այլ անձանց կողմից դիտավորյալ պայթեցում չի եղել - խմբ․)։
«Մյուս տրանսպորտային միջոցները միանշանակ կարող են ստանալ ապահովագրական հատուցում իրավասու պետական մարմնի կողմից վերջնական եզրակացություն կայացնելուց հետո»,- նշեց Սարոյանը։
Անձնական վնասները, այսինքն՝ անձի կյանքին ու առողջությանը պատճառված վնասները ևս հատուցման ենթակա են ԱՊՊԱ օրենսդրության շրջանակներում (սա չի վերաբերում այն մեքենայի վարորդին կամ սեփականատիրոջը, որում տեղի է ունեցել պայթյունը, սակայն եթե տվյալ մեքենայում եղել են ուղևորներ, ապա նրանք էլ կարող են հատուցման իրավունքից օգտվել խմբ․)։ Այսինքն՝ եթե տվյալ ավտոմեքենայում տեղի ունեցած պայթյունի հետևանքով մարմնական վնասվածքներ են ստացել մոտակա մեքենաների վարորդները, ուղևորները կամ նույնիսկ անցորդները և բուժօգնության կարիք են ունեցել, ապա նրանք կարող են հատուցում ստանալ։
Այս պահին գործող օրենսդրությամբ յուրաքանչյուր տուժող գույքային վնասների գծով կարող է ստանալ մինչև 1 միլիոն 800 հազար դրամ հատուցում (կախված է պատճառված վնասի չափից խմբ․), սակայն մեկ պատահարի գծով առավելագույն հատուցման չափը 18 միլիոն դրամ է։ Իսկ անձնական վնասների դեպքում յուրաքանչյուր անձ կարող է ստանալ մինչև 3 մլն 300 հազար դրամ, իսկ մեկ պատահարի գծով առավելագույն հատուցման չափը 33 միլիոն դրամ է։
Իսկ ո՞ր դեպքում ապահովագրական հատուցում կարող էր ստանալ այն մեքենան, որում տեղի է ունեցել պայթյուն․ մասնագետը նշում է՝ ԿԱՍԿՈ պայմանագրով կարող էր հատուցման իրավունքից օգտվել, եթե նրա պայմանագրում կոնկրետ ներառված է գազաբալոնի պայթյունից առաջացած վնասը։
Երևանի կենտրոնում ավտոմեքենայի պայթյունից հետո 3 անձ է հոսպիտալացվել. մեկի վիճակը ծանր է

Կարդալ սկզբնաղբյուրում

Test
Test
Test
Test
Test
Test
Test
Test
Test