Կուտակվել են քննարկման համար բազմաթիվ հարցեր. Պուտինը՝ Փաշինյանին azatutyun.am

Չինաստանում՝ Շանհայի համագործակցության կազմակերպության շրջանակներում, հանդիպել են Հայաստանի վարչապետն ու Ռուսաստանի նախագահը:

Փաշինյան-Պուտին հանդիպման մասին հայտնում են ռուսական լրատվամիջոցները:

Ըստ Կրեմլի՝ Պուտինը հայտարարել է, որ ուրախ է Փաշինյանի հետ բանակցելու հնարավորության համար, քանի որ բազմաթիվ հարցեր են կուտակվել ինչպես երկկողմ, այնպես էլ տարածաշրջանային բնույթի քննարկման համար:

«Հուսով եմ, որ այսօրվա մեր հանդիպումը, ինչպես սովորաբար լինում է, երբ հանդիպում ենք, օգտակար, բովանդակալից կլինի», - ասել է Պուտինը:Փաշինյանն, իր հերթին, նշել է, որ վստահ է՝ այսօրվա օրակարգը հագեցած կլինի. «Ես շատ ուրախ եմ այն գործընկերության և երկխոսության համար, որը ձևավորվել է մեր միջև, նկատի ունեմ և մեր անձնական երկխոսությունը, և, իհարկե, շատ ակտիվ երկխոսությունը մեր եղբայրական երկրների միջև»:

Զրույցից հետո ՌԴ նախագահի մամուլի քարտուղար Դմիտրի Պեսկովն ասել է, որ նրանք լավ զրույց են ունեցել:

Ռուսաստանի և ՀԱՊԿ-ի հետ Հայաստանի հարաբերությունները սրվել են հատկապես 2022 թվականի սեպտեմբերին Ադրբեջանի հետո։ Չնայած Երևանի պահանջներին՝ ՀԱՊԿ-ը մինչև օրս դաշինքի անդամ Հայաստանի դեմ այդ հարձակումը և չի արձանագրել, որ Ադրբեջանը Հայաստանից տարածքներ է օկուպացրել։