Պուտինը հայտարարել է, որ ուրախ է Փաշինյանի հետ զրուցելու հնարավորության համար news.am

Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ հանդիպման ժամանակ հայտարարել է, որ ուրախ է զրուցելու հնարավորության համար, քանի որ կուտակվել են բազմաթիվ հարցեր՝ թե՛ երկկողմ, թե՛ տարածաշրջանային բնույթի, փոխանցում է ՏԱՍՍ-ը։

«Շատ ուրախ եմ ձեզ տեսնելու և այսօրվա և վաղվա միջոցառման շրջանակում զրուցելու հնարավորություն ունենալու համար։ Շատ ժամանակ է անցել, ինչ չենք հանդիպել, կուտակվել են տարբեր հարցեր՝ երկկողմ, տարածաշրջանային, միջազգային։ Հուսով եմ՝ մեր այսօրվա հանդիպումը օգտակար և բովանդակալից կլինի։ Ուրախ եմ ձեզ տեսնելու», — ասել է Պուտինը հանդիպման սկզբում։

Հիշեցնենք, որ ՌԴ և Հայաստանի ղեկավարները հանդիպել են Չինաստանում՝ Շանհայի համագործակցության կազմակերպության գագաթնաժողովի շրջանակում։