Նոր Լուր
Մուտք
Կարգավորումներ
Դուրս Գալ
news.am
Իրանի զինված ուժերի շտաբի պետ, գեներալ-մայոր Աբդոլրահիմ Մուսավին հայտարարել է, որ տարածաշրջանում օտարերկրյա տերությունների ներկայությունը տարածաշրջանի երկրների համար մտահոգության հիմնական պատճառն է։ Գեներալ Մուսավին այս հայտարարությունն արել է Թեհրան այցելող ՀՀ Անվտանգության խորհրդի քարտուղար Արմեն Գրիգորյանի հետ հանդիպման ժամանակ, հաղորդում է Mehr-ը։
Հանդիպման ընթացքում իրանցի ավագ գեներալը նշել է երկու երկրների միջև պատմական և մշակութային ընդհանրությունները։
Նա ընդգծել է, որ Հայաստանի և Ադրբեջանի միջև խաղաղության համաձայնագիրը խաղաղություն և անվտանգություն կբերի տարածաշրջան, և Իրանը միշտ ողջունում է այդ միտումները։
Միևնույն ժամանակ, ըստ նրա, տարածաշրջանում մտահոգության հիմնական աղբյուրն արտատարածաշրջանային տերությունների, այդ թվում՝ Միացյալ Նահանգների ներկայությունն է։
Իր հերթին, ՀՀ Անվտանգության խորհրդի քարտուղարն ընդգծել է երկու երկրների միջև հարաբերությունների և համագործակցության աճող միտումը՝ ընդգծելով այդ հարաբերությունների հիմքերի հետագա ամրապնդման և անվտանգության ոլորտում համագործակցության զարգացման անհրաժեշտությունը։
«Գրիգորյանը գնահատել է օգոստոսի 8-ին երկու երկրների միջև Հայաստանի «Խաղաղության խաչմերուկ» նախաձեռնության շրջանակներում ստորագրված համաձայնագրերը և ընդգծել է Սյունիքի երթուղու (միջանցքի) նկատմամբ Հայաստանի ազգային ինքնիշխանության պահպանման և դրա Իրանի Իսլամական Հանրապետության հետ Հայաստանի հարաբերությունների վրա բացասական ազդեցությունը կանխելու ջանքերի կարևորությունը։ Հանդիպման ընթացքում համառոտ քննարկվել են նաև Իրանի և Հայաստանի միջև երկկողմ ռազմական հարաբերությունները։ Երկու կողմերն էլ ընդգծել են նաև համագործակցության հետագա զարգացման անհրաժեշտությունը», - գրում են իրանական լրատվամիջոցները։
Test
Test
Test
Test
Test
Test
Test
Test
Test
