Լվովում սպանվել է Ուկրաինայի Գերագույն ռադայի նախկին նախագահը mamul.am

Լվովում սպանվել է Ուկրաինայի Գերագույն ռադայի նախկին նախագահ և Եվրոմայդանի նախկին հրամանատար Անդրեյ Պարուբին, հաղորդում է «Սուսպիլնե»-ն։

Հրապարակման համաձայն՝ ոստիկանությունը հայտնել է, որ կեսօրին քաղաքի Սիխով շրջանում կրակոցների մասին հաղորդում է ստացվել։ Ստացած վնասվածքների հետևանքով տուժողը տեղում մահացել է։ Նախնական տվյալներով՝ մարդասպանի հագին եղել է առաքիչի համազգեստ։ 2014 թվականին ևս քաղաքական գործչի դեմ մահափորձ էր կատարվել, նրա վրա նռնակ էին նետել Մայդանի իր ընկերների հետ հանդիպման ժամանակ։