Նոր Լուր
Մուտք
Կարգավորումներ
Դուրս Գալ
1in.am
«Սպուտնիկ Ադրբեջանի լրագրողները պետք է հնարավորինս շուտ ազատվեն, ոչ թե օգտագործվեն երկու դաշնակից երկրների և ժողովուրդների միջեւ ճգնաժամ սադրելու նպատակով»,- Ադրբեջանում նախադատական չորսամսյա կալանքի դատապարտված գործընկերների մասին ՌԻԱ Նովոստիին ասել է «Ռուսաստանն այսօր» մեդիահոլդինգի գլխավոր տնօրեն Դմիտրի Կիսիլյովը:
Նրա խոսքերով, լրագրողներ Իգոր Կարտավիխը և Եվգենի Բելոուսովը «երկու ամիս է գտնվում են ճաղերի ետևում, բայց ոչ մի արձագանք չկա նրանցից, որ լրագրողներին գիտակցաբար օգտագործել է, որպեսզի երկու դաշնակից երկրների և ժողովուրդների միջև ճգնաժամ հարուցի»: Կիսիլյովը հատկապես մատնանշել է փաստը, որ «Սպուտնիկ Ադրբեջանի» լրագրողները նախապես «մեղադրվել են համարյա լրտեսության մեջ, իսկ հետո կտրուկ դիրքորոշում փոխել եւ ներկայացրել խարդախության մեղադրանք»:
Նա կրկին կոչ է արել, որպեսզի «Սպուտինիկ Ադրբեջանի» լրագրողները շուտափույթ ազատ արձակվեն և նրանց ընձեռնվի հայրենիք վերադառնալու հնարավորություն: Կիսիլյովը կրեմլյան քարոզչության կազմակերպման առանցքային դեմքերից է, նախընթաց տարիներին մի քանի անգամ գործուղվել է Բաքու և հարցազրույցներ վարել Իլհամ Ալիևի հետ: Չպետք է կասկածել, որ նա առնվազն ընդհանուր առմամբ քաջածանոթ է Ադրբեջանի պետական «բարքերին և սովորույթներին»:
Նա գիտի, որ «Սպուտնիկ Ադրբեջանի» աշխատակիցները բերման են ենթարկվել, ձերբակալվել, ապա նախադատական կալանքի դատապարտվել Իլհամ Ալիևի անմիջական ցուցումով և վերահսկողությամբ: Ուստի, եթե լրագրողները ծառայեցվում են «դաշնակից երկրների և ժողովուրդների միջև ճգնաժամ հարուցելու գործին», ապա դա Իլհամ Ալիևի ցանկությունը և քաղաքական որոշումն է:
Տրամաբանորեն հետեւում է, որ Իգոր Կարտավիխը և Եվգենի Բելոուսովը կարող են ազատ արձակվել և Ռուսաստան վերադառնալ միայն մի դեպքում՝ եթե Իլհամ Ալիևը նման որոշում ընդունի: Կիսիլյովը ՌԻԱ Նովոստիին հարցազրույց է տվել ՇՀԿ գագաթաժողովի նախօրեին, որտեղ ներկա են գտնվելու թե Վլադիմիր Պուտինը, թե Իլհամ Ալիևը: Նրանց միջև, սակայն, պաշտոնական-արարողակարգային ոչ մի շփում ծրագրված չէ: Այդ մասին տեղեկացրել է Պուտինի օգնական Ուշակովը, որը, սակայն, չի բացառել, որ երկու նախագահները կարող են «ոտքի վրա խոսակցություն ունենալ»: Պարզ չէ, թե ում դեմ է «կատաղած» Կիսիլյովը: Ալիևի՞, որ չի ենթարկվում Պուտինին, թե՞՝ Պուտինի, որ Ալիևի «սանձերը չի հավաքում»:
Test
Test
Test
Test
Test
Test
Test
Test
Test
