Լարված իրավիճակ՝ Արարատի մարզում․ Արտաշատի քաղաքապետի որոշմամբ քաղաքացուն պատկանող լողավազանի տարածքի մոտ 100 մետր երկարությամբ ցանկապատը քանդվել է․ վերջինը գտնում է, որ քանդման որոշումը ապօրինի է․ ՖՈՏՈՌԵՊՈՐՏԱԺ, ՏԵՍԱՆՅՈՒԹ shamshyan.com

Երեկ՝ օգոստոսի 29-ին, լարված իրավիճակ էր ստեղծվել Արարատի մարզում։ Առավոտվանից Արտաշատի համայնքապետարանի մի խումբ աշխատակիցներ ծանր տեխնիկաներով եկել էին Մխչյան գյուղում երկար տարիներ գործող լողավազանի և ձկնորսությամբ զբաղվելու տարածք ու սկսել քանդել տարածքի ցանկապատը։Ինչպես հայտնում է ֆոտոլրագրող Գագիկ Շամշյանը, մի քանի ժամում մոտ 100 մետր և ավելի երկարությամբ ցանկապատը քանդվել և հողին է հավասարեցվել։SHAMSHYAN.com-ի թղթկացի հետ զրույցում տարածքի տնօրենը՝ Արարատի մարզի բնակիչ Կարեն Անդրեասյանը ասաց․«Մի քանի օր առաջ Արտաշատի քաղաքապետ Կառլեն Մկրտչյանը ասաց, որ իրենց տեխնիկա է պետք, սակայն ես պատասխանեցի, որ ինքը ինչ ուզում է, ես չունեմ և բնականաբար չեմ կարող տրամադրել։ Ինքն էլ վրդովվեց ու ասաց, որ կգա ամեն ինչ կքանդի։ Արդեն այսօր առավոտից, առանց որևե որոշման, եկան ու պարսպի թիթեղյա հատվածը, սյուները և հենապատերը քանդեցին ու բացի այդ էլ մի քանի մլն դրամի ակտ գրեցին։ Իրենց միակ պարզաբանումը այն է, թե իբր պարիսպ-ցանկապատը կառուցված է համայնքային հողի վրա, այն ինչ ես ուղիղ 7 տարի առաջ երբ կառուցում էի պարիսպը մոտ 1,5 մետր էլ դեպի իմ հողի ներս կառուցեցի, որպեսզի ճանապարհին շատ մոտ չլինի, բայց հիմա այդ մարդիկ առանց որևե հիմնավորման գտել են, որ այն համայնքային հողի վրա է կառուցված ու եկել այս օրն են գցել։ Միակ պատճառը բնականաբար այն է, որ անձամբ Արտաշատի քաղաքապետը մեզանից տեխնիկա խնդրեց, որը սակայն մենք չունեինք ու սա էլ իր պատասխանն էր փաստորեն։ Միչև վերջ գնալու ենք ու դատարանով հասնելու ենք նրան, որ իրենց բարբարոսությունը իրենց միջոցներով վերացնեն ու նոր պարիսպ կառուցեն»։Մանրամասները՝ տեսանյութում։Լուսանկարները ու տեսանյութը՝ Սմբատ Պետրոսյանի Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։