Նոր Լուր
region Հայաստան more
hamburger
Kizaket.am

ՀՀ ԱԳՆ աշխատակիցը կալանավորվել է. հայտնի է` ինչ մեղադրանք է ներկայացվել նրան sputnik sputnik

time
ՀՀ ԱԳՆ աշխատակիցը կալանավորվել է. հայտնի է` ինչ մեղադրանք է ներկայացվել նրան
ԵՐԵՎԱՆ, 29 օգոստոսի – Sputnik. ՀՀ արտաքին գործերի նախարարության աշխատակիցը կալանավորվել է։ Տեղեկությունը հայտնում է ՀՀ քննչական կոմիտեն։
Այսօր առավոտյան Հրապարակ» թերթը հայտնեց, որ Ավստրիայում ՀՀ հյուպատոս Աշխեն Ալեքսանյանը մոտ 2 ամիս առաջ ձերբակալվել է, և այդ լուրը փորձել են պաշտոնապես գաղտնի պահել։ Հետո Factor.am–ը տեղեկացրեց, որ նա ոչ թե հյուպատոս է եղել, այլ առանցքային վարչությունների աշխատակից, սիրային կապի մեջ է եղել ադրբեջանցու հետ և կարևոր տեղեկություններ է տրամադրել նրան։
ՔԿ–ն հայտնում է, որ հունիսի 20-ին ԱԱԾ–ի հաղորդման հիման վրա քրեական վարույթ է նախաձեռնվել ՀՀ արտաքին գործերի նախարարության աշխատակցի կողմից լրտեսության, օտարերկրյա պետության ներկայացուցչին պետական գաղտնիք պարունակող տեղեկությանը ծանոթանալու համար պայմաններ ստեղծելու, թշնամական գործունեություն իրականացնելու համար օգնություն ցույց տալու եղանակով պետական դավաճանություն կատարելու դեպքի վերաբերյալ:
«Նախաքննության ընթացքում ՀՀ ԱԳՆ աշխատակցի նկատմամբ հանրային քրեական հետապնդում է հարուցվել ՔՕ 418-րդ հոդվածի 1-ին մասով (պետական դավաճանություն)։ Նրա նկատմամբ խափանման միջոց կիրառվել է կալանքը»,– ասված է հաղորդագրությունում:
Քրեական վարույթի նախաքննության ընթացքում որևէ տվյալ ձեռք չի բերվել նշված հանցագործությանը այլ անձանց, այդ թվում՝ ՀՀ ԱԳՆ այլ աշխատակիցների մասնակցության, ինչպես նաև նշված աշխատակցին աջակցելու կամ օժանդակելու վերաբերյալ, հետևաբար, զանգվածային լրատվության միջոցներով տարածված այն տեղեկությունը, թե նշված աշխատակիցը չի գործել միայնակ, չի համապատասխանում իրականությանը:
ՔԿ–ն նշում է, որ տվյալ անձը բարձրաստիճան պաշտոնյա, ինչպես նաև արտերկրում ՀՀ հյուպատոս չի եղել։

Կարդալ սկզբնաղբյուրում

Test
Test
Test
Test
Test
Test
Test
Test
Test