Նոր Լուր
Մուտք
Կարգավորումներ
Դուրս Գալ
hraparak.am
«Հրապարակի» խմբագրություն էր ահազանգել հաշմանդամություն ունեցող 59 տարեկան Սեդա Գրիգորյանը, ով Կոտայքի մարզի Արգել համայնքում է բնակվում․ ապրում է եղբոր երեք զավակների հետ, ովքեր ևս հաշմանդամություն ունեն: «Ես երրորդ կարգի՝ սիրտ-թոքային անբավարարվածություն ունեցող հաշմանդամ եմ, եղբորս երեխաները մանկուց են հաշմանդամ՝ խուլ ու համր են, իսկ երրորդն էլ հոգեկան շեղում ունի՝ անկողնային վիճակում է»,- պատմեց Սեդա Գրիգորյանը:
Եղբոր երեխաները մնացել են Սեդայի ու իր ծնողների խնամքին, որոնք մահացել են՝ մայրը մեկ տարի առաջ քաղցկեղի հետևանքով է մահացել: Եղբայրը կնոջից բաժանվել է ու որոշել է, որ նոր կյանք սկսել` երեք երեխաների խնամքը թողնելով ծնողների ու քրոջ ուսերին, ապրում է Ռուսաստանում, ունի նոր ընտանիք և երեխաներ: «Այս մեծ հոգսը մնացել է ինձ վրա, ես էլ այդ կարգի հիվանդ եմ: Ֆինանսական խնդիրներ ունենք, մայրս քաղցկեղ ուներ, հինգ տարի բուժել ենք, պարտքերի մեջ եմ, ում էլ դիմել եմ՝ ոչ ոք չի օգնել: Մեր ամսական 36.000 դրամ հաշմանդամության կենսաթոշակի հույսին ենք, ամսական 112.000-ով պատկերացրեք մորս բուժումը, հետո թաղումն ենք արել՝ պարտքերի մեջ ենք»,-ասում է Սեդան: Եւ հավելում է, որ մարզպետարանը երբեմն մի քանի ամիսը մեկ քսան հազար դրամով օգնում է, դիմել է ամենուր՝ կառավարություն, նույնիսկ Նիկոլ Փաշինյանին, սակայն մեկանգամյա օգնություն է տրվել՝ 200 հազար դրամի չափով:
«Ֆինանսական խնդիր ունենք: Կոմունալ վարձերը պարտքով եմ փակել՝ գազն ու լույսն եմ փակել, չգիտեմ թոշակը պարտատիրոջը տամ, թե կոմունալ վճարեմ: Շատ լավ ենք ապրել, շատ-շատերին օգնել ենք, անասուն ենք ունեցել, բայց այսօր դարձել ենք անօգնական, որովհետև հիվանդության դեմը չենք կարող առնել: Եղբորս զավակները 42, 40, 32 տարեկան են՝ խուլ ու համր են, մեկն էլ հոգեկան խնդիր ունի՝ անկողնային է, անընդհատ պառկած»,-ասաց Գրիգորյանը: Այդ խնդիրների պատճառով էլ չեն կարողանում աշխատել, միայն եղբոր որդին է գյուղում ինչ-որ բան անում` հողամասերում աշխատում, երեքից-հինգ հազար դրամի դիմաց, սակայն նման հնարավորություններ շատ քիչ են լինում: «Ողնաշարի խնդիր ունի, գլուխն է անընդհատ պտտվում, չի կարողանում շատ աշխատել՝ բժշկի եմ տարել»,- շեշտում է Սեդա Գրիգորյանը:
Արգելի բնակչուհին պատմում է, որ միակ հույսը մնացել են բարերաները, դիմել է Սոցապնախարարություն, սակայն նախարարն ասել է, որ չեն կարող օգնել՝ թող բարերարներ գտնի: «Ասում է, պետությունը չի կարող ձեզ այդքան օգնել, պարտքս 3 միլիոն է, բայց ես ի՞նչ անեմ՝ բուժման, թաղման ծախսեր են»,-ասաց Սեդա Գրիգորյանը: Սեդա Գրիգորյանին օգնություն է անհրաժեշտ, որպեսզի կարողանա պարտքերը մաս առ մաս վճարել և հոգալ ապրուստի գոնե մինիմալ ծախսերը:
ՀԳ Սեդա Գրիգորյանի հետ կարող եք կապ հաստատել` զանգահարելով 094 82 55 43 հեռախոսահամարով, ինչպես նաև գումար փոխանցել Լուսինե Գրիգորյանի Էվոկա բանկի քարտային հաշվին՝ 41509600117516: Կից ներկայացնում ենք հաշմանդամությունը հավաստող փաստաթղթերը:
Test
Test
Test
Test
Test
Test
Test
Test
Test
