Մինչ Հանրապետության նախագահն ասում է՝ Հայաստանում փողի խնդիր չկա, «Ճանապարհային դեպարտամենտ» հիմնադրամը երկար ու ձիգ տարիներ Նոր Գեղիի «մահաբեր» խաչմերուկում լուսակիրներ տեղադրելու հարցը չի լուծում՝ պատճառաբանելով, թե ֆինանս չկա. ՖՈՏՈՌԵՊՈՐՏԱԺ, ՏԵՍԱՆՅՈՒԹԵՐ shamshyan.com

Վերջերս Սյունիք իր աշխատանքային այցի ժամանակ Հանրապետության նախագահ Վահագն Խաչատուրյանը սյունեցիների հետ հանդիպմանն ասում էր, թե Հայաստանում փողի խնդիր չկա, եթե իրոք այդպես է, ապա ՀՀ տարածքային կառավարման և ենթակառուցվածքների նախարարության «Ճանապարհային դեպարտամենտ» հիմնադրամը արդեն մի քանի տարի է՝ 100 հազարավոր վարորդների ականջներից փորձում է «լապշա կախել» և չկարգավորել Կոտայքի մարզի Նոր Գեղիում հայտնի «մահաբեր» խաչմերուկում դեռ սովետական տարիներից եղած լուսակիրների հարցը, որոնք ԽՍՀՄ փլուզումից հետո ինչ-որ մի «գիտունիկի» ուղեղով անցել է և հանել են, ինչից հետո գրեթե ամեն շաբաթ նշված խաչմերուկում տեղի են ունենում ճանապարհատրանսպորտային պատահարներ, այդ թվում՝ ողբերգական, վիրավորներով, որոնց մեջ լինում են անչափահասներ, ընտանիքի անդամներ։ Ինչպես տեղից հայտնում է ֆոտոլրագրող Գագիկ Շամշյանը, երեկ՝ օգոստոսի 28-ին, նշված խաչմերուկը վերածվել էր, ինչպես վարորդներն էին նշում, «աջափսանդալի», ու պատճառը լուսակիրների բացակայությունն է: Նախկինում այդտեղ չեն եղել նաև երթևեկությունը կարգավորող նշաններ, չեն եղել գծանշումներ և միայն բնակիչների խնդրանքով նախկին ՀՀ ներքին գործերի նախարար Վահե Ղազարյանի, ՀՀ ՆԳ նախարարի տեղակալ, ոստիկանության նախկին պետ, ոստիկանության գեներալ-մայոր Արամ Հովհաննիսյանի և Տարածքային կառավարման և ենթակառուցվածքների նախկին նախարար Գնել Սանոսյանի միջամտության շնորհվ այդ խաչմերուկում տեղադրվեցին երթևեկությունը կարգավորող նշաներն ու կատարվեցին գծանշումներ, որոնց աշխատանքները ղեկավարում էին ՀՀ ՆԳՆ ճանապարհային ոստիկանության պետ, ոստիկանության գնդապետ Նորիկ Սարգսյանն ու ՀՀ ՆԳՆ ոստիկանության ճանապարհային ոստիկանության երթևեկության կազմակերպման հսկողության բաժնի պետ, ոստիկանության գնդապետ Կոնստանտին Կոստանյանը: Այդ ամենը տեսնելով՝ Կոտայքի մարզի բնակիչները ոգևորվել և իրենց շնորհակալությունն էին հայտնում պատկան մարմիններին, ովքեր նաև խոստացան, որ լուսակիրների հարցը շաբաթների ընթացքում կլուծվի և դա պետք է անի «Ճանապարհային դեպարտամենտ» հիմնադրամը: Ու հիմա անցել են երկար ու ձիգ ամիսներ, «Ճանապարհային դեպարտամենտ»-ից «ոչ գվվում են, ոչ բվվում»: Ստացվում է, որ այդ հիմնադրամում ավելի շատ առաջնորդվում են դատարկ խոստումներ տալով, քան իրական գործ անելով, ու նշված խաչմերուկում ցանկացած ճանապարհատրանսպորտային պատահարի համար ոչ միայն մեղավոր է վթար ստեղծող վարորդը, այլ նաև որպես հիմնական մեղավոր՝ «Ճանապարհային դեպարտամենտ»-ն է: Երկար ու ձիգ ամիսներ է՝ այդ հիմնադրամից մարդկանց հույս են տալիս, թե տեղադրելու են: Ամեն անգամ, երբ հարցնում են, «քոփի փեսթ» արած նույն պատասխանն է՝ առաջիկայում սկսելու ենք տեղադրման աշխատանքները, ու այդ ամենը մոռացության է մատնվում մինչև հերթական ճանապարհատրանսպորտային պատահարը: Ֆոտոլրագրողի տեղեկություններով՝ մեծ թվով բնակիչներ, ինչպես նաև վարորդներ, պատրաստվում են բողոքի ակցիա իրականացնել ու կաթվածահար անել ոչ միայն Նոր Գեղիի այդ խաչմերուկը՝ ավտոմեքենաներով փակելով երթևեկությունը, այլ նաև դեպի Նոր Հաճն տանող կամրջի հատվածը, քանի որ այլևս հույս չունեն «Ճանապարհային դեպարտամենտ» հիմնադրամի՝ իրենց հով ու զով աշխատասենյակներում ժամավաճառությամբ զբաղվող որոշ չինովնիկներից, ստիպված այդ քայլով դիմում են նաև Հանրապետության նախագահ Վ. Խաչատուրյանին, որ գոնե լուսակիրների տեղադրման հարցում ինքը օգնի ժողովրդին, քանի որ ըստ իրենց հասած տեղեկությունների՝ «Ճանապարհային դեպարտամենտ»-ը հիմա էլ պարզաբանում է, թե ֆինանս չկա, որպեսզի լուսակիրներ պատվիրեն: Ինչպես ավելի վաղ հայտնել էր ֆոտոլրագրողը, հոկտեմբերի 19-ին այն ժամանակ ՀՀ ներքին գործերի նախարար Վահե Ղազարյանի, ՀՀ ՆԳ նախարարի նախկին տեղակալ, ոստիկանության պետ, ոստիկանության գեներալ-մայոր Արամ Հովհաննիսյանի և Տարածքային կառավարման և ենթակառուցվածքների այն ժամանակ նախարար Գնել Սանոսյանի միջամտության շնորհիվ վերջապես Կոտայքի մարզում՝ Նոր Գեղիի խաչմերուկում՝ ժողովրդին հայտնի «մահաբեր» կամ «աջափսանդալ խաչմերուկ» անունը ստացած հատվածում տեղադրվել էին երթևեկությունը կարգավորող նշաններն ու կատարվեցին գծանշումներ: Աշխատանքները ղեկավարում էին ՀՀ ՆԳՆ ճանապարհային ոստիկանության պետ, ոստիկանության գնդապետ Նորիկ Սարգսյանը և ՀՀ ՆԳՆ ոստիկանության Ճանապարհային ոստիկանության երթևեկության կազմակերպման հսկողության բաժնի պետ, ոստիկանության գնդապետ Կոնստանտին Կոստանյանը: Ֆոտոլրագրողի հետ զրույցում բնակիչներն ասում էին.«30 տարուց ավելի է, ինչ սովետի ժամանակներից տեղադրված «սվետաֆոռները» հանվեցին ու այս հատվածը մի իսկական փորձանք դարձավ թե՛ վարորդների, թե գյուղացիներիս համար: Գրեթե ավտովթարների պակաս չկար, այդ թվում՝ ողբերգական, վրաերթերի մասին էլ խոսք չկա: 30 տարի է՝ ում ասես դիմեցինք, գյուղապետը մեզ հետ հավասար պայքարում էր, որպեսզի նորից լուսակիրներ տեղադրեն. ամեն անգամ խոստանում էին, որ խնդիրը կլուծեն, բայց այդ ամենը հերթական վթարից հետո էին խոստանում: Չգիտեինք՝ ում ասել, որ այդ խնդիրը կարգավորեն: SHAMSHYAN.com-ի միջոցով դիմեցինք այն ժամանակ Ներքին գործերի նախարար Վ. Ղազարյանին, ՀՀ ՆԳՆ ոստիկանության նախկին պետ Ա. Հովհաննիսյանին, Տարածքային կառավարման և ենթակառուցվածքների այն ժամանակ նախարար Գ. Սանոսյանին և այլ պատկան մարմինների, բայց դրական պատասխան ստացանք միայն ՆԳՆ-ից, Ոստիկանությունից և Տարածքային կառավարման և ենթակառուցվածքների նախարարությունից, որտեղից մեզ խոստացան, որ խնդիրը կկարգավորվի, նշված հատվածում կվերականգնվեն լուսակիրները, կկատարվեն անհրաժեշտ գծանշումներ ու կտեղադրվեն երթևեկությունը կարգավորող նշաններ, այդ թվում՝ հետիոտնի համար:Ճիշտն ասած՝ մի քիչ երկարեց այդ պրոցեսը, ու այս անգամ էլ հույս չունեինք, բայց այսօր տեսանք, որ իրոք սայլը տեղից շարժվեց:Ուզում ենք մեր շնորհակալանքի խոսքն ուղղել Վ. Ղազարյանին, Ա. Հովհաննիսյանին. Գ. Սանոսյանին, ՃՈ պետ Ն. Սարգսյանին, մեր գյուղապետին, ով նույնպես բազմաթիվ պետական չինովնիկների դռներ է ծեծել, որպեսզի այս ամենը իրականություն դառնա: Տեղյակ ենք, որ առաջիկայում նաև լուսակիրներ են դնելու ու այս հատվածում արդեն լինելու է «կալցեվոյ» ու վստահ ենք՝ երթևեկությունը նշված հատվածում կկարգավորվի:Ֆոտոլրագրողը հայտնել էր, որ տեղում ճանապարհային նշաններ և գծանշումներ կատարող ընկերության աշխատակիցների անվտանգությունը ապահովում էին ՀՀ ներքին գործերի նախարարության ոստիկանության Պարեկային ծառայության Կոտայքի մարզի գումարտակի պարեկները՝ գումարտակի հրամանատարի տեղակալ Լևոն Բադալյանի, գումարտակի ծառայության ավագ տեսուչ Արտակ Ասատրյանի գլխավորությամբ:Լուսանկարներն ու տեսանյութերը՝ Գագիկ Շամշյանի Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։