Ռուսաստանը և Հայաստանը ԵՄ-ի և ԵԱՏՄ-ի անհամատեղելիության հարցում համաձայնության են եկել. Զախարովա news.am

Ռուսաստանի փոխվարչապետ Ալեքսեյ Օվերչուկի հանդիպումը Երևանում օգոստոսի 20-ին անցել է պրոֆեսիոնալ, անկեղծ և կառուցողական մթնոլորտում։ Այս մասին ճեպազրույցի ժամանակ հայտարարեc Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

«Տնտեսական համագործակցության բազմաթիվ ասպեկտներ հատուկ քննարկվեցին ինչպես երկկողմ ձևաչափով, այնպես էլ ԵԱՏՄ շրջանակներում։ Մանրամասն քննարկվեցին որոշակի տեսակի ապրանքների, մասնավորապես՝ սննդի մատակարարման հարցերը։

Հնարավոր եղավ համաձայնության գալ որոշ նրբերանգների շուրջ՝ ԵՄ տեխնիկական կանոնակարգերի և Եվրասիական տնտեսական միության նորմերի անհամատեղելիության համատեքստում։

Կողմերը նաև համաձայնության եկան այս ոլորտում հետագա քայլերի շուրջ՝ համապատասխան երկկողմ հարաբերությունների դաշնակցային բնույթին։

Այս զրույցները ցույց տվեցին, որ Հայաստանը հետաքրքրված է եվրասիական ինտեգրման մեխանիզմների ռիթմիկ գործունեությամբ, որոնք վճռորոշ դեր են խաղում այս պետության սոցիալ-տնտեսական կայունության ապահովման գործում։ Հայ արտադրողները զգում են Միությանը մասնակցելու գործնական օգուտները, հասկանում են ապրանքների անարգել մուտքի կարևորությունը ԵԱՏՄ երկրների, այդ թվում՝ Ռուսաստանի շուկա։

10 տարվա ընթացքում Հայաստանի և ԵԱՏՄ անդամ պետությունների միջև առևտրի ծավալը աճել է մոտ 10 անգամ, և Հանրապետության տնտեսական աճի տեմպերը մինչև վերջերս աշխարհում ամենաբարձրերից էին», - հավելեց Զախարովան։