Գյումրիում կատաղած շունը պատառոտել է տարեց կնոջը hraparak.am

Այսօր կեսօրին Գյումրու Մուշ թաղամասում հերթական անգամ արձանագրվել է թափառող շների հարձակման դեպք։ Թաղամասի բնակիչները hraparak.am-ին պատմեցին, որ 9-րդ փողոցի 4-րդ շենքի բակում շունը պատառոտել է խանութ գնացող տարեց կնոջ ոտքը։

Նրան շտապօգնության մեքենայով տեղափոխել են հիվանդանոց։ Բնակիչների փոխանցմամբ՝ շունը մեկն է, բայց կատսղած է և արդեն մեկ անգամ չէ, որ հարձակվել է թե՛ երեխաների, թե՛ մեծահասակների վրա։

Թաղամասի բնակիչները նշում են, որ խնդրի վերաբերյալ բազմիցս դիմել են քաղաքապետարան, սակայն որևէ լուծում մինչ այժմ չի տրվել։ Ահազանգելով մեզ`հրավիրում են պատկան մարմինների ուշադրությունը` նշելով խնդրին լուծում տալ, քանի դեռ դպրոցներում դասերը չեն սկսել։