ՏԵՍԱՆՅՈՒԹ․ Ինչու է վիզա ստանալը դարձել անհնար. կայքեր կան չեն աշխատում armlur.am

Հայաստանի բարձրաստիճան պաշտոնյաները որքան խոսում են վիզաների ազատականացման մասին, այնքան եվրոպական երկրների մուտքի վիզա ստանալը Հայաստանում դառնում է օրեցօր անհնար:

Վիզաների կենտրոն էլ ստեղծվեց, իբրև հեշտացնելու գործընթացը, սակայն էլի բան չփոխվեց: Վերջերս էլ առավել դժվարացել է Ֆրանսիայի և Գերմանիայի մուտքի վիզաների համար հարցազրույցի օր վերցնելը:

2025 թվականի հուլիսի 1-ից Գերմանիայի դեսպանությունը դադարեցրեց վիզայի դիմումների ընդունումն իր տարածքում և ամբողջ գործընթացը հանձնեց TLScontact կազմակերպությանը։

Ֆրանսիայի դեպքում պատկերն այլ է։ Հայաստանում առանձին վիզայի կենտրոն դեռևս չկա, և բոլոր դիմումները պետք է կատարվեն միայն France-Visas պաշտոնական պորտալի միջոցով։ Դեսպանատունը շարունակում է աշխատել նույն համակարգով, սակայն այստեղ խնդիրները շատ են։ Քաղաքացիները պարբերաբար բախվում են կայքի ծանրաբեռնվածությանը․ այն գրեթե չի բացվում, կամ դժվար է աշխատում։ Արդյունքում՝ օր նշանակելը դառնում է գրեթե անհնար։

Այս պատճառով շատ դիմորդներ ստիպված են լինում դիմել մասնավոր տուրիստական գործակալությունների օգնությանը, որոնք միջնորդում են և փորձում ապահովել գրանցումը երբեմն լրացուցիչ գումարներով։ Սա, բնականաբար, բերում է լրացուցիչ ծախսերի և հանրության դժգոհության։

Կարճ ասած, վիզաների ազատականացման գործընթացի մտադրությունների մեկնարկի մասին միայն խոսում են ոչինչ ավելին:

Անահիտ Պետրոսյան

Մանրամասները՝ տեսանյութում