Նոր Լուր
Մուտք
Կարգավորումներ
Դուրս Գալ
1in.am
Ռուսաստանի նախագահի աշխատակազմի ղեկավարի տեղակալ Դմիտրի Կոզակը կարող է նշանակվել Հյուսիս-արևմտյան դաշնային օկրուգում Վլադիմիր Պուտինի լիազոր ներկայացուցիչ: Այդ մասին «Վեդոմստվո»-ին ասել են կրեմլյան միանգամից երեք աղբյուրներ:
Ըստ աղբյուրների՝ դա տեղի կունենա, եթե ներկայումս այդ պաշտոնն զբաղեցնող Ալեքսանդր Գուցանը նշանակվի ՌԴ գլխավոր դատախազ, իսկ այդ պաշտոնը թափուր կման, քանի որ գլխավոր դատախազ Կրասնովն առաջադրվել է Գերագույն դատարանի նախագահի թեկնածու:
Ըստ «Նյու Յորք թայմսի»՝ Դմիտրի Կոզակը Վլադիմիր Պուտինի մերձավոր շրջապատի միակ ներկայացուցիչն է, որ դեմ է եղել Ուկրաինայում «հատուկ ռազմական գործողությանը, իսկ երկու տարի առաջ հանդես է եկել մարտական գործողությունները դադարեցնելու և Ուկրաինայի հետ ուղղակի բանակցություններ սկսելու առաջարկությամբ»:
Ամերիկյան պարբերականը համարում է, որ եթե Կոզակը նշանակվի Հյուսիս-արևմտյան դաշնային օկրուգում Պուտինի լիազոր ներկայացուցիչ, ապա կնշանակի, որ նրա վրա չափազանց պատասխանատու բեռ է դրվում:
Բանն այն է, որ ՆԱՏՕ-ին Ֆինլանդիայի անդամակցությունից հետո ՌԴ նախագահի հրամանագրով վերականգնվել է Լենինգրադի ռազմական օկրուգը, որտեղ ներառնված է նաև Կարելիան: «Նյու Յորք թայմսը» հրապարակել է արբանյակային լուսանկարներ: Դրանք վկայում են, որ Ռուսաստանը Ֆինլանդիայի հետ սահմանին զորքեր է կենտրոնացնում, ինչպես նաև իր զինանոցում առկա նորագույն սպառազինություններ:
Բալթյան ավազանում ռազմաքաղաքական իրավիճակը սրվում է: Ռուսաստանի Արտաքին հետախուզության ծառայության մամուլի բյուրոն անցյալ ամիս հաղորդագրություն է տարածել, որ բրիտանական հատուկ ծառայությունները «Բալթիկ ծովում Ռուսաստանի առևտրային նավագնացությունը խոչընդոտելու գործողություններ են մշակել»:
Test
Test
Test
Test
Test
Test
Test
Test
Test
