Խաղաղության օրակարգն առաջնային է ՀՀ-ի համար վերջին 35 տարվա ընթացքում․ մեզ պարտադրել են այդ պատերազմը. Նարեկ Կարապետյան 168.am

«Խաղաղության օրակարգն առաջնային է Հայաստանի համար վերջին 35 տարվա ընթացքում»,- Սամվել Կարապետյանի հիմնադրած «Մեր ձևով» շարժման մեկնարկին նվիրված միջոցառման ժամանակ 168․am-ի՝ ո՞րն է լինելու իշխանությունների կողմից առաջ մղվող «խաղաղության օրակարգ»-ի իրենց քաղաքական ուժի այլընտրանքը, հարցադրմանն ի պատասխան՝ նշեց շարժման համակարգող խորհրդի գլխավոր պատասխանատու, «Տաշիր գրուպ» ընկերությունների խմբի փոխնախագահ Նարեկ Կարապետյանը։

168․am-ը նաև հետաքրքրվեց անվտանգային ու պաշտպանական հարցերի վերաբերյալ շարժման տեսլականով։

«Կուզեի հիշեցնել, որ Արցախյան պատերազմը մենք չենք սկսել․ մեզ պարտադրել են այդ պատերազմը, և արցախցիներն ուղղակի պաշտպանվել են։

Ինչ վերաբերում է այսօրվա խաղաղության օրակարգին՝ հայ ժողովուրդը միշտ ունեցել է խաղաղության օրակարգ․ մնում է հասկանալ՝ դա իրակա՞ն խաղաղություն է, թե՞ չէ։ Ինչպես ես նշեցի՝ մեր աշխատանքային խումբը կհետևի պրոցեսներին, քանի որ կան ստորջրյա տարբեր հարցեր, որոնք դեռ հանրությանը հայտնի չեն։ Ուսումնասիրության արդյունքում մենք հանդես կգանք մեր տեսլականի ներկայացմամբ»,- ի պատասխան՝ մանրամասնեց Նարեկ Կարապետյանը։