«Այսօր ՀՀ-ն գտնվում է բարեկեցության պատմականորեն ամենաբարձր կետում»․ Նիկոլ Փաշինյան mamul.am

«Հենց այսօր՝ 2025 թվականի օգոստոսի 28-ի դրությամբ, ՀՀ-ն գտնվում է բարեկեցության պատմականորեն ամենաբարձր կետում»,- Կառավարության նիստի ժամանակ հայտարարեց վարչապետ Նիկոլ Փաշինյանը․ «Սա որևէ արտառոց բան չէ, քանի որ զարգացման տրամաբանությունը պետք է լինի այնպիսին, որ յուրաքանչյուր հաջորդ տարվա ցանկացած պահի արձանագրվի երկրի զարգացման առավել բարձր մակարդակը»,- ասաց նա՝ հավելելով, որ բարեկեցության ցուցանիշները երևում են նաև բանկային տվյալներից։ «ՀՀ ռեզիդենտ քաղաքացիների բանկային ավանդներն ու հաշիվները 2017-ի համեմատ աճել են 141%-ով։ Ֆիզիկական անձանց դեպքում այդ հաշիվները աճել են 125%-ով, իսկ իրավաբանական անձանց դեպքում շրջանառությունը՝ 175 %-ով՝ 2017-ի համեմատ։ Այսինքն՝ փողը կոնկրետ տեղում կա և պատկանում է կոնկրետ մարդկանց»,- ասաց Փաշինյանը։