«Ընդդիմությունը գաղափարապես ջախջախվել է օգոստոսի 8-ին՝ Վաշինգթոնում»․ Վահագն Ալեքսանյան mamul.am

«Ընդդիմությունը գաղափարապես ջախջախվել է օգոստոսի 8-ին՝ Վաշինգթոնում»,- Հանրայինի եթերում ասել է ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը։ «4 տարի ի՞նչ է խոսել մեր ընդդիմությունը․ ասել է՝ չի ստորագրվելու ոչ մի բան, ձեզ խաբում են, խաղաղության համաձայնագիրը միակողմանի զիջումների տրցակ է։ Արդյունքում նախաստորագրվել է խաղաղության պայմանագիր, ՀՀ-ի ու Ադրբեջանի ղեկավարների միջև ստորագրվել է հռչակագիր»,- հավելել է նա։ Դիտարկմանը՝ խաղաղությունը հաստատվում է այն ժամանակ, երբ պայմանագիրը ստորագրվում է, վավերացվում է, դառնում միջազգային փաստաթուղթ, բայց պայմանագիրն ընդամենը նախաստորագրված է, հետևաբար խաղաղությունը դեռևս չի հաստատվել, ասել է․ «Ոչ, խաղաղությունը հաստատվել է, մնում է դրա ֆորմալ ձևակերպումը»։