Նոր Լուր
Մուտք
Կարգավորումներ
Դուրս Գալ
news.am
Այն, ինչ կատարվեց Սամվել Կարապետյանի հետ, ուղղակի ֆանտաստիկ ապերախտություն է բարեգործի, գործարարի նկատմամբ։ Այս մասին, այսօր՝ օգոստոսի 1–ին, «5–րդ ալիքին» տված հարցազրույցում նշեց Երկրորդ նախագահ Ռոբերտ Քոչարյանը։
«Եվ ընդհանրապես սա հարված է բարեգործությանը որպես հանրային ինստիտուտի նկատմամբ։ Մեկ վայրկյան այսպես մտածեցի, որ լավ, եթե Քրքորյանը, 2007 թվականին դժգոհ լինելով իմ ինչ-որ քայլերից, ինչ-որ մի բան ասեր իմ դեմ: Ի՞նչ պիտի անեի, պիտի կալանավորեի՞, եթե գար Հայաստան։ Սա հիմարության ծայրահեղ աստիճանն է: Սամվել Կարապետյանը այն մարդն է, որը բարեգործության ծավալներով երևի միայն Քրք Քրքորյանի հետ կարելի է համեմատել: Մի տարբերությամբ, որ Քրքորյանը բիզնեսով չի մտել Հայաստան, իսկ Սամվել Կարապետյանը հսկայական ներդրումներ է արել և ստեղծել է հազարավոր աշխատատեղեր։ Մարդիկ իրենց ընտանիքները պահում են հենց Սամվել Կարապետյանի ներդրումների շնորհիվ, և այն պարագայում, երբ օտարերկրյա ներդրումները կտրուկ նվազել են Հայաստանում, նման հարձակում ունենալ խոշոր ներդրողի նկատմամբ, ուղղակի հիմարություն է։ Ավելի մեծ վնաս հասցնել Հայաստանի Հանրապետությանը, նույնիսկ դժվար է պատկերացնել»,–ասաց նա։
Հարցին՝ դրա նպատակը ո՞րն էր, Քոչարյանը պատասխանեց. «Ես բացատրություն չունեմ։ Եթե ինչ-որ բան իր դուրը չէր եկել, կարող էր կապվել Սամվել Կարապետյանի հետ, առաջարկել հանդիպում և հարցնել՝ ի՞նչն է պատճառը, փորձեր ինչ-որ բացատրել»։
Անդրադառնալով իշխանություններին պնդումներին, թե ՀԷՑ–ում ստուգումները արդեն սկսվել էին, Սամվել Կարապետյանը գիտեր, որ պրոբլեմներ է ունենալու և այս հայտարարությունը արել է քննարկումների հունը փոխելու համար, երկրորդն նախագահն ասաց. «Ես գիտեմ, թե ինչ վիճակում են եղել բաշխիչ ցանցերը, երբ պետական էր։ Իմ ժամանակ է սեփականաշնորհվել: Խայտառակ պատկեր էր, «լույսի մարդը» ամենից կարևոր մարդն էր Հայաստանում, որովհետև տեղում ոնց ուզում անում էր։ Տասնյակ միլիոնավոր դոլարներ ամեն տարի պարտք էր կուտակվում բաշխիչ ցանցերի վրա։ Այն ժամանակ սեփականաշնորհեցինք և կտրուկ փոխեցինք իրավիճակը։
Սամվել Կարապետյանը այն մարդն է, որը հսկայական ներդրումներ է անում ոչ միայն բաշխիչ ցանցերում, նաև այլ ոլորտներում, այս վիճակը գցել մի նախադասության համար, խայտառակություն է։ Փաշինյանի ասածները որևէ հիմք չունեն, քանի որ կա Հանրային ծառայությունների կարգավորող հանձնաժողովը, որը ՀԷՑ–ի այդպիսի բողոքներ չուներ։ Սա ուղղակի հաշվեհարդար է։
Միգուցե նպատակը նա է, որ գալիք ընտրությունների ժամանակ ժամանակավոր տնօրեն ունենալ ՀԷՑ–ում, և օգտագործել այդ համակարգը ընտրական նպատակների համար։ Իրենց մարդկանց տեղավորել, ՀԷՑ–ից քամել հնարավորը, նաև որպես ընտրական ռեսուրս դիտել այդ համակարգը։ Իսկ ընտրական ռեսուրսը ո՞րն է, օրինակ, ինչ-որ խոստումներ տալ, ՀԷՑ–ի հաշվին լավություն անել տարբեր բնակավայրերում քվեներ կորզելու համար։ Այ սա առարկայական մոտիվացիա կարող է լինել Նիկոլ Փաշինյանի համար։
Հիմա իրենք նշանակել են կառավարիչ, բայց Սամվել Կարապետյանին ասում են՝ դու ներդրումներդ պետք է շարունակես։ Սա լրիվ կինո է։ Սամվել Կարապետյանը պետք է շարունակի ներդրումներ անել իր միջոցներից, և Ռոմանոսը պետք է այդ միջոցները տնօրինի՞։ Լո՞ւրջ, դուք հո հիմար չե՞ք, այդպես չի լինում։ Ուղղակի իմ ենթադրությունը կամ կանխատեսումը այն է, որ ուղղակի քանդելու են աշխատող համակարգը»,– ընդգծեց Քոչարյանը։ Նա համոզմունք հայտնեց, որ միջազգային արբիտրաժում իշխանությունները անպայման պարտվելու են. «Բեսպրեդելի տարբերակով են հարձակվում, սա պետական ռեկետի տպավորություն է թողնում։ Ես չեմ կասկածում, որ արբիտրաժային վեճում իրենք պարտվելու են, բայց տվյալ դեպքում պարտվելու է պետությունը»։
Test
Test
Test
Test
Test
Test
Test
Test
Test
