Նոր Լուր
Մուտք
Կարգավորումներ
Դուրս Գալ
news.am
Նիկոլ Փաշինյանն ասուլիսում խոստովանեց, որ շատ կոնկրետ թեմա է Սյունիքի ճանապարհի արտապատվիրակման հարցը, ինչ–որ ժամանակ արդեն քննարկման սեղանին է դրված։ Այս մասին, այսօր՝ օգոստոսի 1–ին, «5–րդ ալիքին» տված հարցազրույցում նշեց Երկրորդ նախագահ Ռոբերտ Քոչարյանը։
«Այստեղ իհարկե, ակնհայտ աբսուրդայնություն կա, որ Սյունիքի ճանապարհը կամ միջանցք կոչվածը ինչու է այսօր քննարկման թեմա դեռ մնում բանակցային սեղանի վրա։ Ես ուղղակի տիրապետում եմ այդ ինֆորմացիային, որ այդ ճանապարհի թեման Ադրբեջանի պահանջով դարձել է նոյեմբերի 9–ի հայտարարության 9–րդ կետ՝ սիմետրիա ստեղծելու համար Լաչինի միջանցքի հետ։ Լաչինը միջանցք էր 5 կիլոմետրանոց, որի վրա Ադրբեջանը ոչ մի վերահսկողություն չուներ եւ դրա ասիմետրիկ տարբերակը եղավ Ադրբեջանը Նախիջեւանին կապող ճանապարհը։ Հիմա Ղարաբաղը չկա, Լաչինի միջանցքը չկա, բայց այդ թեման ինքն իրենով շարունակում է ապրել։
Ղարաբաղի կորուստը հիմնականում կապված է հենց այն հանգամանքի հետ, որ Հայաստանը մերժել է 9–րդ կետի կատարումը, սկսել է մեկնաբանել, որ մենք այլ կերպ ենք հասկանում։ Շատ բնական է, որ Ադրբեջանում ասում են՝ հո մեզ հարիֆի տեղ չե՞ք դնում։ Պատերազմը դուք եք պարտվել, այդ ամբողջ հայտարարության մեջ կա մեկ կետ, որը բխում է Ադրբեջանի շահերից ու դուք այդ կետը մերժում եք։ Դրան հետեւեց Լաչինի միջանցքի փակումը և Ղարաբաղի կորուստը։
Այս ամենը մի կողմ դնել, ու բանակցությունները հասցնել այնտեղ, որ «Զանգեզուրի միջանցքն» առանձին թեմա որպես ապրում է, աբսուրդ է։ Սա ուղղակի դիվանագիտական ձախողման մի գլուխգործոց է»,– ընդգծեց նա։
Քոչարյանը համոզմունք հայտնեց, որ Ղարաբաղի կորստից հետո այդ թեման այլեւս չպետք է գոյություն ունենա. «Երբ այս թեման ինքն իրենով ապրում է, սա նշանակում է, որ դու քո տարածքը վիճելի ես դարձնում` այլ պետություններ իրար հետ քննարկում են քո տարածքով միջանցքի ստեղծումը։ Սա այն տարբերակն է, երբ դու ոչ թե սեղանի շուրջն ես, այլ աշխարհաքաղաքական մենյուի մեջ։
Ի՞նչ օգուտներ կարող է այդ ճանապարհը բերել Հայաստանին։ Երկու օր առաջ հայտնի դաշնամուր նվագողը (նկատի ունի ՀՀ նախագահ Վահագն խաչատուրյանին–խմբ) ասաց, որ Սյունիքի դարպասները պետք է բացենք։ Մի քանի օր առաջ Թուրքիայի նախագահը հայտարարեց, որ 2 մլրդ 800 մլն դոլար է հատկացվում Կարս–Իգդիր–Նախիջեւաներկաթուղի կառուցելու համար։ Սա նշանակում է, որ ենթադրյալ այդ ժանապարհով ոչ թե Երասխով գալու է Հայաստան և Հայաստանի տարածքով է մտնելու Թուիրքիա, այլ Նախիջեւանից մտնելու է Թուրքիա։ Եվ ճանապարհների բացման հետ այդ ճանապարհը որեւէ առնչություն չի ունենալու։ Սա լինելու է Թուրքիա–Ադրբեջան–Կենտրոնական Ասիայի երկրներ միջանցք։ Հայաստանի օգուտը այստեղ ո՞րն է։ Որ սա լինելու է միջանցք, ես չեմ կասկածում։
Եթե խոսքը արտապատվիրակման մասին է, չի կարող պետությունն իր ֆունկցիան արտապատվիրակել մասնավոր ընկերության։ Օրինակ, եթե այդ ճանապարհին վթար լինի, ո՞ր երկրի ոստիկանությունն է դա հետաքննելու, միջադեպը ո՞ր դատարանում է լսվելու, ինչ քննչական մարմիններն են զբաղվելու դրանով»,–ասաց Քոչարյանը։
Test
Test
Test
Test
Test
Test
Test
Test
Test
